Барыллаан ааҕыынан Аллараа Халыма улууһун баһылыгын быыбарыгар Ярослав Бандеров кыайда

«Биир ньыгыл Арассыыйа» баартыйа эрэгийиэннээҕи салаатын информациятынан, «Сахаэнерго» Аллараа Халыматааҕы салаатын начаалынньыга, байыаннай дьайыы кыттыылааҕа Ярослав Бандеров Аллараа Халыма улууһун баһылыгын быыбарыгар эрэллээхтик бастаата.

Барыллаан дааннайдарынан, киниэхэ куоластааччы 53 % куоластаабыт. Бу улууска быыбарга кыттыы 39% тэҥнэһэр.

Иккис миэстэни Альбина Винокурова ылла, бэйэ туруорунуута. Кини 26 % куолаһы ылла. Оттон ЛДПР баартыйаттан турбут Арсентий Цалко 12 % куолаһы ылла.