«Сахафильм» национальнай киинэ хампаанньатын салайааччыта пууҥҥа кэлэн илии баттаата.
«Сахафильм» киинэ хампаанньатын салайар уонна Владимир Путин быыбардыыр эрэгийиэннээҕи ыстаабын хос бэрэссэдээтэлэ Алексей Егоров Владимир Путины өйөөн илии баттаары хас да мүнүүтэ кэтэстэ. Тоҕо диэтэххэ, бүгүн онно киһи элбэх. Бастакынан кэлбиттэр, бэйэ-бэйэлэрин хардарыта солбуйса тураллар. Сокуону тутуһан, Алексей Егоров илии баттыырыгар пааспарын дааннайын суруйда, Владимир Путины өйүүрүн биллэрэн илии баттаата.
«Мин бүгүн гражданскай иэспин толордум! Барыта иннибитигэр. Биһиэхэ барыта үчүгэй буоллун!», — диэн Алексей Егоров барыта этэҥҥэ буоларыгар эрэнэрин биллэрдэ.
Владимир Путины өйүүргэ илии баттааһынын хомуйар пуун Дьокуускайга ааспыт өрөбүлгэ «Бүтүн Арассыыйатааҕы норуот фронун» ыччат актыыбын көҕүлээһининэн арыллыбыта. Илии баттааһынын хомуйууга ОНФ волонтердара үлэлэһэллэр, кинилэр бэлэмнэниини барбыттар. Манна барыта чиэһинэйдик ыытыллар. Владимир Путины өйүүргэ ким баҕарар бэйэтин ис санаатынан кэлэн илии баттыыр. Илии баттыан баҕалаахтар пууҥҥа пааспардаах тиийэллэр. Илии баттааһынын хомуйар пуун «Столица» эргиэн киинин бастакы этээһигэр: Ленин уул. 16 №-гэр баар. Волонтердар күн аайы эбиэтэ уонна өрөбүлэ суох 10.00 — 20.00 ч. диэри үлэлииллэр.
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа. …
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…
Бүгүн Оһуокайбыт түһүлгэтигэр субуотунньуктаатыбыт. Мустуубут боппуруоһунан түмсүү сэбиэтэ Оһуокай ыһыаҕын тэрийиигэ сүбэлэстибит. Бастатан туран, Нерюнгрига…