Хаартыска: sakha.gov.ru саайтан
Дьокуускайга иккис Өрөспүүбүлүкэтээҕи антифашистскай пуорум буолаары турдаҕына, “Норуодунай фронт. Барыта Кыайыы туһугар” бочуоттаах бэлиэнэн өрөспүүбүлүкэ олохтоохторун үөрүүлээх быһыыга-майгыга наҕараадалаатылар.
Наҕарадаалары байыаннай дьайыыны өйөөн, тус бэйэлэрин кылааттарын киллэрбит дьоҥҥо туттардылар, диэн иһитиннэрэр Ил Дархан, бырабыыталыстыба пресс-сулууспата.
Бочуоттаах бэлиэлэри СӨ Бырабыыталыстыбатын Бэрэссэдээтэлэ Кирилл Бычков Норуодунай фронт улахан суолталааҕын бэлиэтээн туран туттарда.
“Лидеры сборов” анал ааты үбүлээһин өттүнэн көмө оҥорор урбаанньыт Андрей Елькин уонна Жатайдааҕы металлоконструкция собуотун салайааччыта Владимир Куликовскай ыллылар.
“Народные полки” анал аат кыайыылаахтарынан “Добровольцы” уопсастыбаннай тэрилтэ салайааччыта Светлана Архипченко уонна хамсааһын координатора Галина Васильева буоллулар.
“Сила тыла” анал аакка Аллараа Халыма улууһун култуураҕа управлениетын начаалынньыга уонна Аҕа дойду буойуттарын дьиэ кэргэттэрин кэмитиэтин чилиэнэ Альбина Винокурова наҕараадаланна.
“Мобилизованнайдар дьиэ кэргэннэригэр көмө” анал ааты байыаннай сулууспалаахтар дьиэ кэргэннэригэр 7 туонна балыгы буор босхо биэрбит “Аллайыаха” кээпэрэтиип салайааччыта Сергей Бережнов уонна дьиэ кэргэннэри харса суох өйүүр урбаанньыт, Уопсастыбаннай балаата чилиэнэ Надежда Львова ыллылар.
“Барыта Кыайыы иһин!” тэрээһиҥҥэ көхтөөх кыттыыларын иһин Росимущество Саха сиринээҕи территориальнай управлениетын салайааччытын солбуйааччыта Любовь Фрунзе уонна Федеральнай казначейство управлениетын салаатын начаалынньыга Павел Сальченко Махталынан бэлиэтэннилэр.
Норуодунай фронт эрэгийиэннээҕи салаатын салайааччыта Дмитрий Паньков эрэгийиэннээҕи ыстаап чилиэннэригэр бочуоттаах грамоталары туттарда.
“Биһиги бу аан бастаан өйдөбүнньүк бэлиэни туттарабыт, бары наҕараадаламмыттар бу үрдүк чиэскэ дьоһуннук тиксэр дьон. Өрөспүүбүлүкэҕэ маннык дьон элбэх, биһиги кинилэр киллэрэр кылааттарын хайаан да бэлиэтии туруохпут”, — диэтэ Дмитрий Паньков.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…