Башкирияҕа «ковид» өрө туран эрэр

Ааспыт сууккаҕа Башкирияҕа өссө икки киһи «ковидтан» өллө. Башкирия доруобуйа харыстабылын министиэристибэтэ иһитиннэрбитинэн, кэнники сылларга коронавирустан барыта 6113 киһи өлбүт.

Пандемия саҕаланыаҕыттан 376 122 киһи ыалдьыбыт, ол иһигэр 137 киһи — кэнники күннэргэ диэн «ЭлектроГазета.рф» суруйар. Башкирияҕа кэнники кэмҥэ «ковид» ыарыы эмиэ өрө туран эрэр.

Сытар балыыһаҕа 154 киһи (ол иһигэр 60 сааһын ааспыт 99 киһи), дьиэтигэр сытан 1696 киһи (ол иһигэр 60 сааһын ааспыт 764 киһи) эмтэнэр.

Оттон Саха сиригэр балаһыанньа хайдаҕый?

Сoronavirus-monitor.info саайт иһитиннэрэринэн, 2023 сыл сэтинньи 23 күнүнээҕи туругунан, Саха сиригэр барыта 112 932 киһи «ковидынан» ыалдьыбыта бигэргэммит, кинилэртэн 1887 киһи өлбүт. Өлүү бырыһыана — 1.67%. «Роспотребнадзор» дааннайдарын туһаммыттар.

Оттон coronavirusstat.ru саайт атын сыыппаралары аҕалар: 2023 сыл сэтинньи 17 күнүнээҕи туругунан, Саха сиригэр 228 176 киһи ыалдьыбыт, өлбүт киһи ахсаана — 2153. Ааспыт сууккаҕа саҥа ыалдьыбыт киһи суох.

Өрөспүүбүлүкэтээҕи СтопКоронавирусЯкутия.рф саайта 2022 сыл ахсынньытыттан үлэтэ тохтоон турар.