Хаартыска: "Алмаасэргиэнбаан" пресс-сулууспата.
«Саха сирин олохтооҕо» каарталаах дьон поликлиникаҕа диспансеризацияны, эбэтэр, үлэҕэ киирэргэ мэдиссиинэ бэрэбиэркэтин (профосмотр) ааспыт буоллаҕына, бассейнҥа уонна катокка сылдьарыгар 25%-наах чэпчэтиинэн туһанар кыахтанар диэн «Алмаасэргиэнбаан» иһитиннэрэр.
Бу каарта элбэх чэпчэтиилээх. Холобур, атыыласпыккыттан 1%, сорох маҕаһыыннартан өссө элбэх бырыһыан уу харчынан төннөр (кэшбэк уонна «Свои» бырагыраама). Оттон бу 25%-наах чэпчэтиини «Чолбон», «Самородок» бассейннар уонна Мархатааҕы спортивнай-чэбдигирдэр комплекс оҥороллор. Өссө салгыы манна кыттыһар спортивнай эбийиэк ахсаана эбиллэн иһиэ диэн эрэннэрэллэр.
Бу бырайыакка «Алмаасэргиэнбааны» сэргэ доруобуйа харыстабылын уонна спорт министиэристибэлэрэ, булгуччулаах мэдиссиинэ страховкатын пуондата кыттыспыттар. Дьон доруобуйатын көрүнэригэр, чэбдигирдэригэр туһуламмыт, уопсайынан, туһалаах бырагыраама буолар.
Диспансеризацияны ааспыт кэннэ, онтон кэлэр ый 20-с чыыһылатыттан саҕалаан, чэпчэтии оҥоһуллан барар. Диспансеризацияҕа 122 нүөмэрдээх контакт-кииҥҥэ эрийэн, суруйтарыахха сөп.
Бүгүн, ахсынньы 22 күнүгэр, 05:38 чааска Биир кэлим дьуһуурунай-диспетчер ситимигэр эрийэн, Булуҥ улууһун Быковскай бөһүөлэгэр …
Дойду Бэрэсидьиэнэ Владимир Путин сылы түмүктүүр быһа эпиирэ буолан ааста, олох бары салаата хабылынна. Бүтүн…
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…