Дьокуускайга бүгүн, бэс ыйын 17 күнүгэр, СӨ Бастакы Бэрэсидьиэнэ Михаил Николаев аатынан алмаас экспозициятын сүрэхтээһин үөрүүлээх тэрээһинэ буолла.
Саха сиригэр алмаас хостооһуна 75 сылыгар анаммыт, ону таһынан Саха сирин Бастакы Бэрэсидьиэнин аатын үйэтитэр сыаллаах-соруктаах тэрээһин “Сокровищница Якутии” түмэлгэ ыытылынна.
«Бэрэсидьиэн Михаил Николаев» алмаас экспозицията “Гохран” ГКУ, “АЛРОСА” АК ПАУо уонна “Николаев — Киин” архыып- бибилэтиэкэ тэҥҥэ үлэлэспит бырайыактарын түмүгэ буолар.
Бэлиэтээн суруйдахха, 78,51 карааттаах алмаас 2001 сыллаахха Айхаллааҕы хайаны байытар фабрикаҕа булуллубута. 2002 сыллаахха алмааска Саха сирин Бастакы Бэрэсидьиэнин аата иҥэриллибитэ.
Үөрүүлээх тэрээһиҥҥэ Саха сирин Бырабыыталыстыбатын бэрэссэдээтэлэ Кирилл Бычков, “Гохран” ГКУ салайааччыта Иван Кычкин, «АЛРОСА» АХ сүрүн инженера Василий Туласынов, “Николаев — Киин” салайааччыта Юрий Семенов, “Сокровищница Якутии” быыстапка сэбиэдиссэйэ Андрей Захаров кытыннылар.
Премьер-миниистир: «Маннык бөдөҥ уонна ураты алмаастар бары ааттаныахтаахтар. Бүгүн Бастакы Бэрэсидьиэн Михаил Николаев аатынан алмаас экспозицията киэҥ көрдөрүүгэ турбута олус долгутуулаах», — диэн бэлиэтээтэ.
— “Сокровищница Якутии” түмэл Михаил Ефимович дьаныардаах, туруорсуулаах үлэтин түмүгэр тэриллибитэ. Онон, бүгүн Михаил Ефимович туруорсуутунан, көҕүлээһининэн тэриллибит түмэлгэ кини аатынан ааттаммыт алмааһы быыстапкаҕа туруоран олус үөрэн, долгуйан турабыт, — диэн “Николаев — Киин” салайааччыта Юрий Семенов эттэ.
Быыстапкаҕа алмааһы сэргэ Михаил Ефимович наҕараадалара, тутта сылдьыбыт мала-сала, суруктара баалларын таһынан «Азия оҕолоро» бастакы норуоттар икки ардыларынааҕы спортивнай оонньууларыгар анаан суруйбут тиэкиһин көрүөххэ сөп.
Саина Колодезникова, Тускуяна Игнатьева
2025 сылга Саха сиригэр "Земскэй култуура үлэһитэ" федеральнай бырагырааманан 11 улууска 11 кубуота көрүллүбүтэ. Бастакы…
Арассыыйа Сэлиэстийэлиир кэмитиэтин Саха сиринээҕи салаатын Дьааҥы оройуоннар икки ардыларынааҕы силиэстийэлиир отделынан 45 саастаах эр…
«Черскэй бөһүөлэгин баһылыгын дуоһунаһыгар анал байыаннай дьайыыга кыттыбыт икки дьоһуннаах хандьыдаат туруоруммуттара. Быыбар кыайыылааҕынан Петр…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саха Өрөспүүбүлүкэтин Ил Дархана Айсен Николаев «Быһа лииньийэтигэр» ыытыллыбыт сылларыгар олохтоохтортон 10 тыһыынчаттан тахса ыйытыы…
Сайын устата кыстыкка бэлэмнэнии араас хайысхалаахтык ыытыллан, оттук сезона саҕаланна. Биллэн турар, барыта эриэ-дэхси буолбатах…