Николаев-киин хаартыската
Бүгүн, СӨ Бастакы Бэрэсидьиэнэ Михаил Ефимович Николаев күн сирин көрбүт күнүгэр, 1 №-дээх Өрөспүүбүлүкэтээҕи балыыһаҕа – М.Е.Николаев аатынан Мэдиссиинэ национальнай киинигэр СӨ Бастакы Бэрэсидьиэнин мемориальнай кэбиниэтин үөрүүлээхтик арыйдылар.
Тэрээһиҥҥэ өрөспүүбүлүкэ салалтата, медкиин кэлэктиибэ, кыыһа Ольга Андросова кытыннылар. Санаттахха, былырыын Мэдиссиинэ национальнай киинигэр Саха сирин баһылыга Айсен Николаев ыйааҕынан М.Е.Николаев аата иҥэриллибитэ. Тоҕо диэтэххэ, 1993 с. бастакы Бэрэсидьиэн ыйааҕынан Мэдиссиинэ национальнай киинэ арыллыбыта.
СӨ Бастакы Бэрэсидьиэнин бибилэтиэкэ – архыыбын салайааччыта Юрий Семенов бэлиэтээбитинэн, бу бэлиэ түгэн мэдиссиинэ тэрилтэтин баһылыга Станислав Жирков өйөбүлүнэн арылынна.
“Манна хас биирдии үлэһит, пациент норуот билиммит Бэрэсидьиэнин историятын билсэр кыахтанна. Кэбиниэккэ кини хаартыскалара, рукописьтара, кинигэлэрэ, туттубут маллара бааллар. Бу биһиги дириҥник ытыктыыр бэрэсидьиэммит өрөспүүбүлүкэ атаҕар туруутугар, доруобуйа харыстабылыгар үтүөтүн билиниибит буолар”, — диэтэ Юрий Семёнов.
Ону тэҥэ бүгүн Хаҥалас улууһун Өктөм сэлиэнньэтигэр баар Бибилэтиэкэ-архыыпка – Николаев-киинигэр Михаил Ефимович Николаев доҕотторо, биир идэлээхтэрэ кыттыылаах уопсастыбаннас мунньаҕа ыытыллыаҕа. Үөрэх уонна наука министиэристибэтэ кылаас чаастарын тэрийэр, “Инновация күнэ” уруоктары ыытыаҕа. Бүгүн өссө “Билиигинэн кыайыаҥ!” Саха Өрөспүүбүлүкэтин Бастакы Бэрэсидьиэнин истипиэндьийэтин туттарыы сиэрэ-туома буолуоҕа. “Саха” НКИХ “Инновация күнүгэр” анаммыт биэриилэри көрдөрүөхтэрэ. Ил Түмэн Ыччакка парламена “Николаевскай пуоруму” тэрийиэҕэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Николаев-киин хаартыската
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…