Бастакы Бэрэсидьиэн Михаил Николаев төрөөбүт күнүгэр Чурапчытааҕы гимназия Инновация күнүн бэлиэтээтэ

Бэҕэһээ Саха сирин Бастакы Бэрэсидьиэнэ Михаил Ефимович Николаев төрөөбүт күнүгэр Чурапчытааҕы гимназия Инновация күнүн үөрүүлээх быһыыга-майгыга бэлиэтээтэ.

Михаил Ефимович “Пять китов образования” үөрэҕирии кэнсиэпсийэтин «Шахматы-детям» бырайыагынан Саахымат киинэ аһылынна диэн Чурапчы улууһун дьаһалтатын пресс-сулууспата иһитиннэрэр.

Киин СӨ Бастакы Бэрэсидьиэнин пуондатын өйөбүлүнэн олоххо киирдэ. Маны сэргэ “Беспилотные авиационные системы” национальнай бырайыагынан саҥа кэбиниэт аһылынна. Манна оҕолор дрону салайарга, ыһарга-хомуйарга үөрэниэхтэрэ.

«Инновационнай технологиялар билиҥҥи оҕо үүнэригэр-сайдарыгар көмө-тирэх буолаллара саарбаҕа суох. Онон Михаил Ефимович саҕалаабыт дьыалата салҕанан, сайдыыны түстүү турарыгар биһиги, чурапчылар, махтанабыт» – диэн улуус баһылыга Степан Саргыдаев санаатын үллэһиннэ.