sakha.gov.ru
Дьокуускайга «Лена» киинэ тыйаатырыгар «Путь президента» диэн Саха сирин бастакы Бэрэсидьиэнин Михаил Ефимович Николаев туһунан документальнай киинэ сэтинньи 12 күнүгэр буолар.
Бу Михаил Ефимович Николаев төрөөбүт күнүгэр аналлаах киинэни көрдөрүү Саха сирин Ил Дархана Айсен Николаев «Саха Өрөспүүбүлүкэтин бастакы Бэрэсидьиэнэ М.Е.Николаев аатын үйэтитии туһунан» ыйааҕын чэрчитинэн тэрилиннэ.
Киинэ режиссера РФ ускуустубатын үтүөлээх диэйэтэлэ Никита Аржаков, сценарист — Саха сирин норуодунай суруйааччыта Владимир Федоров, оператор — Юрий Бережнев.
«Михаил Ефимович Николаев олоҕо олус интэриэһинэй. Кини ураты дьылҕата, оҕо сааһа, устудьуоннаабыт сыллара, Михаил Ефимович төрөөбүт өрөспүүбүлүкэтигэр норуот итэҕэлин ылан сатабыллаахтык салайыыта. Бу барыта Саха сирин олохтоохторун өйдөрүгэр-санааларыгар чиҥник иҥэн сылдьара саарбахтаммат. Ол барыта «Путь президента» документальнай киинэҕэ кэпсэнэр», — диэн тэрийээччилэр бэлиэтииллэр.
«Путь президента» документальнай киинэ сэтинньи 12 күнүгэр 14.30 ч. көрдөрүллэр. Билиэти киинэ тыйаатырын саайтыгар көрүҥ https://kinowidget.kinoplan.ru/seats/311/10047280/6724d31a4000002701e13837.
Санатан эттэххэ, Ил Дархан Айсен Николаев «СӨ бастакы Бэрэсидьиэнэ М.Е.Николаев аатын үйэтитии туһунан» Ыйааҕар Саха сирин дьонуттан-сэргэтиттэн элбэх этиилэр киирбиттэрэ, тэрээһиннэр олоххо номнуо киллэрилиннилэр.
Дьокуускайга Михаил Ефимович Николаев аатынан проспект баар буолбута, СӨ судаарыстыбаннай наҕараадата — «Өрөспүүбүлүкэ албан аатыгар уонна туһатыгар» Бочуоттаах бэлиэ олохтоммута. Михаил Ефимович 2002 сыллаахха олохтообут «Билиигинэн кыайыаҥ» истипиэндьийэ судаарыстыбаннай статустаммыта. «Азия оҕолоро» Норуоттар икки ардыларынааҕы оонньуулар кэмитиэттэрин «Аан дойдуга оҕо успуордун сайыннарыыга ураты кылаатын иһин» уордьан олохтоммута. Балаҕан ыйын 27 күнүгэр Судаарыстыбаннас күнүгэр, Михаил Ефимович Николаев төрөөбүт сиригэр, Хаҥалас улууһугар Покровскайга СӨ бастакы Бэрэсидьиэнин пааматынньыга арыллыбыта.
Саҥа киинэ Михаил Николаев аатын үйэтитиигэ өссө биир кылаатынан буолар.
СӨ Ил Дарханын уонна Бырабыыталыстыбатын пресс-сулууспата
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…
Күндү Саха сирин олохтоохторо! Эһигини үүнэн эрэр Саҥа 2026 сылынан уонна Ороһуоспанан Саха Өрөспүүбүлүкэтин Ил…
Илиҥҥи халандаар этэринэн, хас биирдии сыл гороскопка баар 12 кыыл салалтатынан ааһар. Үүнүөхтээх 2026 сыл…
Ис сүрэхпиттэн үүнэн иһэр 2026 сылынан эҕэрдэлиибин! Биһиги XXI үйэ иккис чиэппэригэр үктэнэбит. Бэлиэ түгэннэринэн, чаҕылхай ситиһиилэринэн…
Бу күннэргэ күн-дьыл хайдаҕый? Төһө тымныйарый? Хаар түһэр дуо? Өрөспүүбүлүкэ арҕаа өттүгэр сорох сиринэн кыра…