«Бастакы» ханаал устар бөлөҕө Саха сирин туһунан биэриини бэлэмниир

Дьокуускайга бу күннэргэ «Бастакы» ханаал кэрэспэдьиэннэрэ үлэлииллэр. Кинилэр «Жизнь своих» биэриигэ Саха сирин туһунан кэпсиэхтэрэ.

Бу биэриигэ хомус, мас тардыһыы, алмаастар туһунан сиһилии кэпсиэхтэрэ. Итиэннэ муустаах ууга сөтүөлүүр дьон туһунан эмиэ сюжет бэлэмнииллэр.

«Биһиги Саха сирин Тымныы Оҕонньорун — Эһээ Дьылы кытта билсиэхпит, криолитозона биологическай кыһалҕаларын институтугар сылдьыахпыт, Бааһынай ырыынагар, Оҕо айымньытын дыбарыаһыгар ыалдьыттыахпыт, уулуссаҕа дьону тутан кэпсэтиэхпит», — диэн устар бөлөх бэрэстэбиитэллэрэ кэпсииллэр диэн СИА суруйар.