Салгыы
Бастакы лүөччүк дьахтар Вера Захарова аатынан уулусса баар

Бастакы лүөччүк дьахтар Вера Захарова аатынан уулусса баар

03.04.2025, 19:00
Ил Дархан, бырабыыталыстыба пресс-сулууспата
Бөлөххө киир:

Дьокуускайга «Звездный» түөлбэ бастакы уулуссата аатырбыт сэбиэскэй лүөччүк дьахтар Вера Захарова аатын сүгэр. Бу уулуссаҕа билигин элбэх кыбартыыралаах сэттэ  дьиэ баар.

Саха сирин Дьоруой дьахтар аатын иҥэрии туһунан быһаарыы 2020 сыл кулун тутар 18 күнүгэр ылыллыбыта. Онно Вера Кириллова Захарова төрөөбүтэ 100 сылын туолбута.

Вера Захарова Аҕа дойду сэриитин кэмигэр сөмөлүөт штурвалыгар олорбут соҕотох саха кыыһа буолар. Кини Өлүөхүмэ оройуонуттан төрүттээх. 1944 сыл атырдьах ыйыгар диэри кини бааһырбыт байыастары таһааран, 180 көтүүнү оҥорбута, 200-тэн тахса киһи олоҕун быыһаабыта.

1944 сыллаахха кини сөмөлүөтүн таппыттара, бэйэтэ билиэҥҥэ түбэспитэ. Фашистар концлааҕырдарыттан быыһанан, кини бойобуой суолун салҕаабыта, сөмөлүөтүгэр олорбута. Кыайыы күнүн Берлиҥҥэ көрсүбүтэ, рейхстагка «Захарова из Якутска» диэн суруйбута.

Бойобуой үтүөлэрин иһин «Аҕа дойду сэриитин II истиэпэннээх» уордьаннаах, «Германияны кыайыы иһин», о.д.а. мэтээллэрдээх.

«Звездный» түөлбэ  «А», «С» сектордарыгар элбэх кыбартыыралаах 15 дьиэ тутуллубута. Спортивнай саалалаах, бүрүөһүннээх  каток үлэлиир. 2025 сылга өссө 2 дьиэ, 2026 сылга 3 куорпустаах дьиэ тутуллуохтара. Аны «В» сектор үлэҕэ киириэхтээх.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
4 апреля
  • -4°C
  • Ощущается: -8°Влажность: 54% Скорость ветра: 3 м/с

Сообщить об опечатке

Текст, который будет отправлен нашим редакторам: