Бастакы Манчаары оонньууларын чөмпүйүөнэ Тааттаҕа ыалдьыттаата

Бу күннэргэ Таатта улууһугар Манчаары оонньуулара ыытылла турар. Ардаҕы быыһынан күрэсчиттэр успуорт араас көрүҥэр илин-кэлин түсүһэллэр.

Ытык Таатта сиригэр ыраахтан-чугастан тыһыынчанан киһи тоҕуоруста.

Сунтаартан сылдьар 85 саастаах сэрии кэмин оҕото, успуорт бэтэрээнэ  Виктор Дмитриевич Алексеев аан бастакытын Тааттаҕа кэлбит. Бу туһунан улуус дьаһалтата иһитиннэрдэ. Кини 1967 сыллаахха бастакы Манчаары оонньууларын хапсаҕай көрүҥэр чөмпүйүөннээбит.

Санатан эттэххэ,  Баһылай Манчаары аатынан  Саха сирин норуоттарын спартакиадата аан бастаан 1968 сыллаахха бэс ыйын 24—25 күннэригэр Дьокуускайга ыытыллыбыта.