“Бастакы учуутал” куонкурус саҕаланна

Педагог уонна уһуйааччы сылынан, “Дьокуускай куорат” куораттааҕы уокурук алын кылаас учууталларын сайыннарар, өйүүр, идэҕэ маастарыстыбаларын, учуутал идэтин аатын-суолун үрдэтэр соруктаах, сэтинньи 6-10 күннэригэр “Бастакы учуутал-2023” алын кылаас учууталларын маҥнайгы куонкуруһу ыытар.

Куонкуруһу Дьокуускай куорат үөрэҕин управлениетын өйөбүлүнэн Идэҕэ сатабылы сайыннарар киин, Ф.И.Авдеева аатынан Оҕо айымньытын дыбарыаһа ыыталлар.

Бэҕэһээ тэрээһин үөрүүлээх аһыллыыта буолбута. Барыта 23 учуутал сайаапка биэрбит. Бүгүҥҥүттэн түһүмэхтэринэн куонкурустар саҕаланнылар. Ол курдук, кыттааччылар эрдэ бэйэлэрин билиһиннэрэр видеоны ыыппыттара. Бүгүҥҥүттэн олоҕурбут көрүҥүнэн “Идэ маастарыстыбата”,  “Патриотическай тиэмэҕэ уруогу таһынан кылгас дьарык”, “Алын кылаас учууталын аныгы уобараһа” түһүмэхтэр буолаллар. Бу түһүмэхтэр түмүктэринэн 15 лауреаты, 5 призеру уонна биир кыайыылааҕы талыахтара.