sakha.gov.ru
Үс сыл анараа өттүгэр, 2023 сыл олунньу 7 күнүгэр, СӨ Ил Дархана Айсен Николаев «Бастакылар хамсааһыннара» Оҕолор уонна ыччат Бүтүн Арассыыйатааҕы уопсастыбаннай-судаарыстыбаннай хамсааһыннарын Дьокуускайдааҕы салаатын уһуйааччытынан буолбута.
Саха сирэ РФ эрэгийиэннэриттэн «Бастакылар хамсааһыннарын» олохтоох салаата аһыллыбыт бастакы эрэгийиэнинэн буолбута. Хамсааһын дойду Бэрэсидьиэнэ Владимир Путин сорудаҕынан дойду оҕолор уонна ыччат хамсааһыннарын, тэрилтэлэрин түмпүтэ. Дьокуускайга баар олохтоох салаа дойдуга 1 №-дээх бэлиэтэнии туоһу суруктаах, диэн www.sakha.gov.ru суруйар.
Саха сиригэр 138 тыһыынчаттан тахса кыттааччы бэлиэтэммит, 36 олохтоох салаа аһыллыбыт уонна 814 бастакы сүһүөх салаата үлэлиир. Сыл устата 58 федеральнай уонна эрэгийиэннээҕи бырайыак олоххо киирбитэ. Бастакылар хамсааһыннарын патриотическай бырайыактарынан 79 тыһыынчаттан тахса киһи хабылынна. Ордук элбэх киһини «Бастакылар Бастакылар туһунан» бырайыак, «Бастакылар ыҥырыылара» Бүтүн Арассыыйатааҕы физкултуурунай тэрээһин, «Биһиги – Арассыыйа гражданнарабыт!» Бүтүн Арассыыйатааҕы бырагыраамаҕа кыттыы, «Профэкспедиция» идэҕэ туһаайар бырайыак, «Дьиэ кэргэн хамаандата» спортивнай дьиэ кэргэн бэстибээлэ, Бастакылар хамсааһыннарын бэстибээлэ буоллулар.
«Бүгүн – ураты күн. Чопчу үс сыл анараа өттүгэр, 2023 сыл олунньутугар, Саха сиригэр дойдуга бастакынан «Бастакылар хамсааһыннарын» Дьокуускайдааҕы олохтоох салаата аһыллыбыта. Миэхэ хамсааһын уһуйааччытынан бастакы күнүттэн ыла буолар – улахан чиэс. Эвелина Киселёва устуорайтаны үйэ-саас тухары өйдөөн хааллым. Дьиэ умайбытыгар, кини уоттан үс саастаах балтын быыһаан таһаарбыта. Ахсынньыга Эвелина «Хорсун быһыытын иһин» мэтээлинэн наҕараадаламмыта. Маннык оҕолор дьиҥнээхтик барытыгар бастакылар. Үс сыл иһигэр «Бастакылар хамсааһыннара» өрөспүүбүлүкэ улахан дьиэ кэргэнэ буолла. Сүүһүнэн бастакы сүһүөх салаалар, куораттартан уонна улуустартан уонунан тыһыынча үөрэнээччилэр. Кинилэр бырайыактарга кытталлар, уокуруктааҕы уонна федеральнай тэрээһиннэргэ бараллар, Саха сирин бүтүн дойду үрдүнэн чиэстээхтик көрдөрөллөр. Оҕолорго хамсааһын тэрээһиннэригэр кыттар интэриэһинэй, тоҕо диэтэххэ, саамай саҕаланыытыгар СӨ Ил Дархана Айсен Николаев маннык соругу туруорбута – бары быһаарыылар, бырайыактар улахан дьонтон буолбакка, чуолаан оҕолортон, уолаттартан-кыргыттартан, ыччаттан тахсыахтаахтар», – диэн СӨ Бырабыыталыстыбатын Бэрэссэдээтэлин солбуйааччы Ольга Балабкина бэлиэтээтэ.
Былырыын ахсынньыга «Бастакылар хамсааһыннара» үлэлиир уонна алтыһар аналлаах бэйэлэрин киэҥ куйаарданнылар – «Патриот» ыччат киинэ аһылынна, бу Саха сиригэр хамсааһын салгыы сайдарыгар эбии күүһү биэрдэ. Биһиги оҕолорбутугар бэйэлэрин интэриэстэринэн дьыалаларга, бырайыактарга, көхтөөх үлэлэргэ дьоҕурдарын көрдөрөр өссө элбэх кыах үөскээтэ.
Олунньу 1 күнүттэн 6 күнүгэр диэри Новочебоксарскайга ыытыллыбыт хамсанар аппараата кэһиллиилээх күрэсчиттэр ортолоругар Арассыыйа Куубагар Саха Өрөспүүбүлүкэтин…
Быйыл кулун тутар 3 күнүгэр төрүттэммитэ 55 сылын туолар "Таммахтар" литературнай холбоһук (Мэҥэ Хаҥалас), Иннокентий…
— Улуу Туймаада быта, убаайка Биэтэс, туманнаах Туйма үрэх толоонуттан Көстөкүүн бырааккыттан уруй буоллун! Тыл тамаҕар…
Саха төрүт аһын харыстааһын уонна сайыннарыы боппуруоһа билигин өрөспүүбүлүкэҕэ күүскэ дьүүллэһиллэр. Маннык үлэни СӨ Баһылыгын…
Бүлүү бөлөх улуустарыгар уотунан сылыттынан олорор олохтоохтор тус счеттарыгар, төлүүллэрин саҕана, икки бүк үрдүк сыана…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Биэрэккэ" кэпсээнин истиҥ.