Айсен Николаев телеграм-ханаалыттан.
Бүгүн, олунньу 7 күнүгэр Устудьуоннар көҕүлээһиннэрин киинигэр «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай оҕо уонна ыччат хамсааһынын Саха сиринээҕи салаата аһылынна. Бу бэлиэ түгэҥҥэ Ил Дархан Айсен Николаев кытынна.
«Оҕо уонна ыччат уопсастыбаннай хамсааһынын туһунан биһиги өрөспүүбүлүкэҕэ элбэхтик кэпсэттибит. Биһиги дойдуга патриотическай иитии, үөрэнээччилэр уонна ыччат холбоһуктаах хамсааһынын тэрийэр туһунан боппуруоһу бастакынан көтөхпүппүт. Бүгүн биһиги Бэрэсидьиэммит Владимир Путин ааспыт сылга үөрэнээччилэри кытары көрсүһэригэр, Луганскай үөрэнээччитэ Диана Красовская маннык хамсааһыны тэрийиэххэ наада диэбитин өйөөн, бүгүн дойду үрдүнэн бүтүннүүтүнэн тэриллэн эрэриттэн астынабыт. Мин бүгүн Саха сиригэр бу хамсааһын олохтоох салаатын арыйбыппытыттан олус үөрэбин», — диэн Айсен Николаев санаатын үллэһиннэ.
Хамсааһын саҥа тэриллэн эрэр эрээри, биһиги куорат иһигэр баар оҕо, ыччат тэрилтэлэрин номнуо холбоотубут, бу барыта оҕону, ыччаты иитиигэ күүс-көмө буолуоҕа диэн бэлиэтээтэ Ил Дархан.
«Саха сиригэр оскуолаларга, атын үөрэх тэрилтэлэригэр ааспыт сылтан номнуо 100-тэн тахса хамсааһын тэриллэн үлэлиир. Бүгүн биһиги Арассыыйа 89 субъегыттан бастакынан Саха сиригэр бу хамсааһын олохтоох салаатын тэрийэн, үөрүүлээх быһыыга-майгыга арыйан устуоруйаҕа киирдибит.
Биһиги бу холбоһугу бары бииргэ буолаарыбыт, хамсаарыбыт, Арассыыйаны кытары бииргэ буолаарыбыт тэрийдибит», — диэн «Бастакылар хамсааһыннара» оҕо уонна ыччат хамсааһынын Саха сиринээҕи салаатын бэрэссэдээтэлэ Оксана Михайлова эттэ.
Бу хамсааһын сүрүн сыалынан оҕону уонна ыччаты уопсастыба олоҕор, дойду үгэстэригэр уонна сыаннастарыгар иитии, бэлэмнээһин буолар.
Бэлиэтээн эттэххэ, аан бастаан оҕо уонна ыччат уопсастыбаннай хамсааһына федеральнай сокуон чэрчитинэн ыытыллар. Маннык эрэгийиэннээҕи салаалар Арассыыйа 84 субъегар барытыгар тэрилиннэ.
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…