Бастрыкин Дьокуускайга олорор дьиэ кэргэн дьиэҕэ быраабын кэһиинэн бэрэбиэркэни ыытарга сорудахтаата

Арассыыйа Силиэстийэлиир кэмитиэтин бэрэссэдээтэлэ А.И. Бастрыкиҥҥа Информационнай киин нөҥүө Саха сирин олохтооҕо үҥсүү түһэрбит. Эр киһиэхэ 30-тан тахса сыллааҕыта Дьокуускай куорат Клара Цеткин уулуссатыгар баар дьиэҕэ икки хостоох кыбартыыра бэриллибит.

2012 сыллаахха улаханнык эргэрэн, 1964 сыллаахха тутуллубут дьиэ киһи олоҕор кутталы үөскэтэн, саахалланар туруктааҕынан биллэриллибит. Хаарбах дьиэттэн көһөрүү бырагырааматын олоххо киллэрии чэрчитинэн, сайабылыанньа биэрээччигэ урут олорбут дьиэтинээҕэр кыра иэннээх дьиэҕэ көһөргө этиллибит. Ону таһынан, көһүөхтээх дьиэтэ киһи олороругар табыгаһа суох туруктааҕа, сүрүн истиэнэлэрэ хайдыбыттара биллибит. Тустаах киһи араас уорганнарга элбэхтэ суруйбут даҕаны, туох да түмүгү биэрбэтэх.

СӨ Силиэстийэлиир кэмитиэтэ бу чахчынан процессуальнай бэрэбиэркэни ыытар.