Бастрыкин  ОДьКХ эйгэтигэр олохтоохтор бырааптара кэһиллибитин бэрэбиэркэлииргэ сорудахтаата

Силиэстийэлиир кэмитиэтин (СК) баһылыга РФ Бэрэсидьиэнин быһа сибээһигэр этиллибит Саха Өрөспүүбүлүкэтин  олохтоохторун бырааптара кэһиллибитин туһунан иһитиннэриигэ олоҕуран бэрэбиэркэни ыытарга сорудахтаата. Бу туһунан биэдэмистибэ информационнай киинин иһитиннэрэр.

Александр Бастрыкин бэрэбиэркэни Саха сириттэн сылдьар суруналыыс Арктика оройуоннарыгар баар социальнай тэрилтэлэргэ анаммыт электроэнергия тарыыптарын туһунан ыйытыытын кэнниттэн көҕүлээтэ. Онуоха эбии эрэгийиэҥҥэ электроэнергиянан хааччыйыыга быстах тохтобуллардаах хомунаалынай саахаллар систиэмэлээхтик тахсаллара этиллибитин СК-ҕа бэлиэтээтилэр.

Саха Өрөспүүбүлүкэтин Силиэстийэлиир управлениетин салайааччытыгар Виталий Кондратенкоҕа этиллибит чахчыларынан процессуальнай бэрэбиэркэни тэрийэргэ сорудахтанна. Кини  ылыллыбыт быһаарыы туһунан дакылааттыахтаах. Сорудах толоруллуута биэдэмистибэ киин аппараатыгар хонтуруолга туруорулунна.