Бастрыкин Саха сиригэр маҥнайгы куурус устудьуона өлбүтүнэн силиэстийэ хаамыытын биллэрэллэригэр сорудахтаата

Дойду силиэстийэлиир кэмитиэтин бэрэссэдээтэлэ Александр Бастрыкин Саха сиригэр эдэр киһини өлөрүүнэн холуобунай дьыала силиэстийэтин хаамыытын биллэрэн иһэллэригэр сорудахтаата.

“Сонуну киэҥник тарҕатар ситимнэргэ, Дьокуускайга 18 саастаах олохтоох эдэр киһи төбөтүгэр, мэйиитигэр эчэйии ылан өлбүтүн туһунан сибидиэнньэ тарҕанна.

Арассыыйатааҕы силиэстийэлиир кэмитиэт Саха сиринээҕи силиэстийэлиир уоргана тустаах дьыаланан, холуобунай кодекс 111 ыст. 4 ч. (киһини улаханнык эчэтэн алҕас өлөрүүгэ тириэрдии) буруйу оҥоруунан холуобунай дьыаланы силиэстийэлиир.

Биэдэмэстибэ баһылыга СӨ силиэстийэлиир управлениетын салайааччыта Кондратенко В.В. холуобунай дьыала хаамыытын уонна тустаах быһыыны-майгыны биллэрэн иһэригэр сорудахтаата. Ити туһунан силиэстийэлиир кэмитиэт телеграмыгар суруйаллар.