Бастрыкин Саха сиригэр оҕолор ыалдьыбыттарынан холуобунай дьыаланы хонтуруолга ылла

Арассыыйа Силиэстийэлиир кэмитиэтин бэрэссэдээтэлэ Александр Бастрыкин Саха сиригэр оҕолор сыстыганнаах ыарыынан ыалдьыбыттара быһаарыллыбытынан холуобунай дьыала силиэстийэтин хаамыытын туһунан дакылааттыырга сорудахтаата. Бу туһунан СӨ Силиэстийэлиир кэмитиэтэ иһитиннэрэр.

Бэҕэһээ Саха сиригэр Оҕо дьиэтин үс иитиллээччитэ сысытыганнаах ыарыынан ыалдьыбытын чахчыта быһаарыллыбыта.

Силиэстийэ барыллаан быһаарыытынан оҕолор лааҕырга сынньана сылдьыбыттар. Арассыыйа Силиэстийэлиир кэмитиэтин Саха сиринээҕи Силиэстийэлиир уорганнара РФ Холуобунай кодексатын 238 ыстатыйатынан (киһи доруобуйатыгар куттал суох буолуутун ирдэбиллэригэр эппиэттээбэт өҥөлөрү оҥоруу) холуобунай дьыала тэрилиннэ.

Онон сиэттэрэн, Арассыыйа Силиэстийэлиир кэмитиэтин бэрэссэдээтэлэ Саха сиринээҕи Силиэстийэлиир салалтатын салайааччытыгар В.В. Кондратенкоҕа холуобунай дьыала силиэстийэтин хаамыытын туһунан отчуоттууругар сорудах биэрдэ.