Хаартыска: Саха сиринээҕи Силиэстийэлиир кэмитиэтин пресс-сулууспата
А.И. Бастрыкин Дьокуускайга элбэх кыбартыыралаах дьиэ олохтоохторун бырааптарын кэһии туһунан иһитиннэриини бэрэбиэркэлээн баран, түмүгүн этэллэригэр сорудахтаата.
Социальнай ситимнэргэ Дьокуускай к. Маяковскай уулуссатыгар турар элбэх кыбартыыралаах дьиэ олохтоохторун, ол иһигэр байыаннай дьайыы кыттыылааҕын элбэх оҕолоох дьиэ кэргэнин бырааптара кэһиллибитин туһунан иһитиннэрии тарҕаммыта. Бу 1970 сыллаах мас дьиэ, киһи олорор кыаҕа суох: дьиэ илин өттө, истиэнэлэрэ сууллан эрэллэр, инженернэй ситимэ эргэрбит, кыһыҥҥы өттүгэр турбалара тоҥон хаалар, дьиэ иһинээҕи салгын олохтоммут нуормаҕа сөп түбэспэт. 2022 сыллаахха сууллар кутталлааҕынан тутууну саахалланар туруктаах дьиэлэргэ киллэрбиттэр, ол эрээри дьону көһөрүү 2026-2030 сс. эрэ былааҥҥа турар. Олохтоохтор тустаах тэрилтэлэргэ элбэхтик туруорса сатаабыттар да, туох да табыллыбатах.
Арассыыйа Саха сиринээҕи силиэстийэлиир кэмитиэтин управлениетыгар бу дьыаланан процессуальнай бэрэбиэркэ саҕаланна.
РФ Силиэстийэлиир кэмитиэтин бэрэссэдээтэлэ Александр Бастрыкин Арассыыйа Саха сиринээҕи силиэстийэлиир кэмитиэт управлениетын салайааччыта Виталий Кондратенкоҕа процессуальнай бэрэбиэркэ хаамыытын, түмүгүн дакылааттыырыгар сорудахтаата.
Сорудаҕы толоруу биэдэмистибэ киин аппараатын хонтуруолугар туруорулунна, диэн иһитиннэрэр Арассыыйа СК информационнай киинэ.
Владивосток куоракка ыытыллыбыт III Уһук Илиннээҕи хор олимпиадаҕа Саха сириттэн «Надежда Туймаады» хор уонна «Северные…
Дьокуускай куорат баһылыга Евгений Григорьев Норуот сомоҕолоһуутун күнүгэр «Сааҕын байыаннай дьайыыга туттар» аахсыйанан байыаннай дьайыы…
Сэтинньи 4-6 күннэригэр өрөспүүбүлүкэҕэ үһүс төгүлүн ыытыллар "Народ и армия едины" диэн Фашизмы утары пуорум…
М.К. Аммосов аатынан Хотугулуу-Илиҥҥи федеральнай университет омук устудьуоннара саха төрүт муус аннынан балыктааһыҥҥа – муҥхаҕа…
Арассыыйа Федерациятын Бырабыыталыстыбатын Бэрэссэдээтэлин солбуйааччы – Арассыыйа Федерациятын Бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ…
Онкологиялаах ыарыһахтары өйүүр «UNITY» аһымал пуонда «Роскосмос» госкорпорацияны кытта оҕолорго баҕа санааларын олоххо киллэрэллэригэр көмөлөһөр…