Ангелина Васильева хаартыската
Кулун тутар 6 күнүгэр Саха сирин үлэһит дьахталларын бастакы сийиэһин 100 сылыгар анаммыт мунньах үөрүүлээх быһыыга-майгыга ыытылынна.
Мунньахха Ил Түмэн бэрэссэдээтэлэ Алексей Еремеев уопсастыбанньык, лиидэр дьахталлары эҕэрдэлээтэ. Бастакы сийиэс, дьахталлар хамсааһыннарын устуоруйатын, билиҥҥи кэмҥэ ийэлэргэ, дьахталларга туох көмө оҥоһулларын туһунан кэпсээтэ уонна бастыҥнары наҕараадалаата.
Бырабыыталыстыба бэрэссэдээтэлэ Кирилл Бычков эҕэрдэтин тиэртэ. Кини дьахталлар бастакы сийиэстэрин суолтата улахан диэн бэлиэтээтэ. Ол кэмтэн үлэһит дьахтар уопсастыба сайдыытыгар оруола, киллэрбит кылаата сөҕүмэр. Кини тус бэйэтэ дьахталларга сүгүрүйэрин, киэн туттарын биллэрдэ.
Кирилл Бычков уопсастыбанньык дьахталларга үрдүк судаарыстыбаннай наҕараадалары туттарда. Маны тэҥэ, кини »Ийэ Албан аата» бэлиэлэри 7-8 оҕолоох ийэлэргэ туттарда. Бу маннык бэлиэ 31 ийэҕэ анаммытыттан, улуустартан 25 ийэ кэлэн, бэрэссэдээтэл илиититтэн үрдүк наҕарааданы туттулар. Элбэх оҕолоох ийэлэр бары да эдэр, кыраһыабай көрүҥнээхтэрэ сөхтөрдө.
Сенатор Сахамин Афанасьев дьиэ кэргэн бэлиитикэтигэр былааннаах, тиһиктээх үлэ түмүгэ көстөр диэн бэлиэтээтэ. Ийэлэр судаарыстыбаттан өйөбүлү билэр буолан, элбэх оҕолоноллор, үлэни да, дьиэ кэргэни да дьүөрэлииллэр диэн кини эттэ.
Бу киэһэ Ил Дархан күн күбэй ийэтин Тамара Сергеевнаны эҕэрдэлээтилэр.
Дьахталлар сойуустарын холбоһуктарын бэрэссэдээтэлэ Анжелика Андреева дойдуга ыарахан күннэргэ дьахталлар бастакынан күүс-көмө, өйөбүл буолалларын бэлиэтээтэ. Байыаннай дьайыыга ийэлэр, эбэлэр, эдьиийдэр, балыстар байыастарга көмө буолан, кыахтара баарынан үлэлииллэр. Дьахталлар хамсааһыннара уопсастыбаҕа буолар сабыытыйалартан хаһан да туора турбатаҕа. Кэлэр сийиэс 2027 сылга буолуоҕа. Анжелика Андреева байыаннай дьайыыга көмөлөһөн уопсастыбаннай үлэни тэрийбит дьахталларга наҕараадалары туттарда.
Мустубут актыбыыскалары судаарыстыбаннай филармония, эстрада артыыстара, норудунай ансаамбыллар эҕэрдэлээн, дьоро киэһэни киэргэттилэр.
Ангелина Васильева.
Ааптар түһэриитэ.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…