Хаартыска: СИА.
От ыйын 8 күнүгэр киин куоракка Дьиэ кэргэн, таптал уонна бэриниилээх буолуу Бүтүн Арассыыйатааҕы күнүгэр ыытыллар өрөспүүбүлүкэтээҕи Дьиэ кэргэн бэстибээлин чэрчитинэн, Дьокуускайга бырааһынньыктааҕы сэлэлээн хаамыы буолуоҕа.
Сэлэлээн хаамыы от ыйын 8 күнүгэр күнүс 3 чаас 40 мүнүүтэттэн 4 чааска диэри Киров уулуссатын устун — цииркэ искибиэриттэн Комсомольскай болуоссакка диэри буолуоҕа. Кыттааччылар 3 чааска мусталлар.
Манна сыбаайбаларын былааччыйатын кэппит саҥа ыал буолбут эдэрдэр, элбэх оҕолоох дьиэ кэргэттэр, «үрүҥ көмүс» дьиэ кэргэттэр, уопсастыбаннай түмсүүлэр уонна үлэ кэлэктииптэрэ хаамыахтара.
Биллэн турар, параакка улахан болҕомтону киэргэтиллибит кэлээскэлээх дьиэ кэргэттэр тардыахтара.
Параат кэнниттэн, күнүс 4 чаастан Комсомольскай болуоссакка бастыҥ дьиэ кэргэттэри, кыайыылаахтары наҕараадалыахтара. 25-тэн тахса сыл бииргэ олорбут бастыҥ ыалларга “За любовь и верность” мэтээллэри туттарыахтара, ону тэҥэ, эстрада ырыаһыттара кыттыылаах кэнсиэр буолуоҕа.
Комсомольскай болуоссакка 3 чаастан 6 чааска диэри быыстапкалар тэриллиэхтэрэ, оҕолорго уонна кинилэр төрөппүттэригэр анаан маастар-кылаастар, күрэстэр, оонньуулар ыытыллыахтара.
Дьиэ кэргэн бэстибээллэрин уонна атын да маннык тэрээһиннэри ыытыы үгэс буолбут ыал сыаннастарын тарҕатар, дьиэ кэргэн, ийэ уонна аҕа буолуу статуһун үрдэтэр, көлүөнэлэр икки ардыларынааҕы ситими бөҕөргөтөр сыаллаах.
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…