Хаартыскаҕа Алексей Слепцов түһэриитэ
Ыам ыйын 19 күнүгэр Чурапчы улууһун киинигэр П.Е.Барахсанов аатынан сынньалаҥ пааркатыгар улуус бастыҥ дьиэ кэргэттэригэр анаммыт сибэкки бырааһынньыга буолла.
Эрдэ тыалыра, тымныйа турбут халлаан бу күн мустубуттары чаҕылхай күнүнэн көрүстэ. Паарка киирэр аркатыттан саҕалаан сибэкки, оҕуруот аһын арааһын рассадатын атыылааччылар үөрэ-көтө көрүстүлэр.
Бастыҥ дьиэ кэргэттэр эйэҕэс ийэлэрэ, амарах аҕалара күндү көмүс оҕолорунуун, сиэннэриниин сэлэлии хааман киирдилэр. Манна бааллар Россияҕа, Сахаларын сиригэр, улуустарыгар ыытыллыбыт куонкурустар кыайыылаахтара, үлэ маяктара, бастыҥ спортсменнар, тэрийээччилэр, о.д.а. Диктор кинилэр барыларын ааттарын киэн тутта ааттаталаата.
Чурапчы улууһун, нэһилиэгин салалталара бастыҥнары анал бэлиэлэринэн, өйдөбүнньүк альбомнарынан, махтал суруктарынан наҕараадалаата. Улуус баһылыга Степан Саргыдаев кустааһын кэмигэр олохтообут ,,Бастакы көҕөн» куонкуруһун кыайыылаахтара бириистэрин туттулар.
Киин библиотека кэллэктиибэ ,,Сибэкки эгэлгэтэ—эйгэбит симэҕэ» диэн элбэх номинациялардаах куонкуруһу тэрийэн ыытта. ,,Дэлэгэй рассада—өлгөм үүнүү», ,,Мин таптыыр сибэкким» о.д.а. номинациялар кыайыылаахтара быһаарыллан анал бириистэринэн наҕараадаланнылар.
Бырааһынньыкка анаммыт эҕэрдэ ырыалар ылланнылар, үҥкүү тардылынна. Түмүккэ оһуохай дьиэрэйдэ.
Алексей Слепцов, Чурапчы.
Ааптар хаартыскаларга түһэриитэ
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…