Хаартыска: Николай Борисов.
Дьиэ кэргэн, таптал, бэриниилээх буолуу күнүгэр «Сыл бастыҥ дьиэ кэргэнэ-2025» өрөспүүбүлүкэтээҕи күрэс түмүгүн таһаардылар. Бу туһунан үлэ, социальнай сайдыы министиэристибэтэ иһитиннэрэр.
Бу күрэскэ 32 улуустан 100-тэн тахса дьиэ кэргэн кытынна. Кинилэр олохторун-дьаһахтарын, үгэстэрин, дьарыктарын, ситиһиилэрин кэпсээтилэр, талааннарын көрдөрдүлэр. Дьэ, кимнээх кыайдылар?
«Элбэх оҕолоох дьиэ кэргэн» номинацияҕа Чурапчыттан Эдуард, Варвара Федоровтар кыайдылар. Кинилэр алта оҕолоохтор, олус көхтөөхтөр.
«Тыа сирин дьиэ кэргэнэ» — түөрт оҕолоох Жанна, Дмитрий Максимовтар (Амма).
«Кыһыл көмүс дьиэ кэргэн» — Людмила, Николай Петровтар (Нам). Элбэх ситиһиилэх, олус көхтөөх, холобур буолар ыал.
«Оҕону иитэр дьиэ кэргэн» — Марианна, Иван Захаровтар (Кэбээйи). Кинилэр уон оҕону ылан, иитэллэр.
«Төрүт үгэстэри тута сылдьар ыал» — Ольга, Николай Васильевтар (Ньурба).
«Эдэр дьиэ кэргэн» — Саргылаана, Айтал Никаноровтар (Горнай). Кинилэр учууталлар династияларын салҕааччылара буолаллар.
«Аҕа дойдуну көмүскээччи дьиэ кэргэнэ» — Сергей, Людмила Каширскайдар (Мииринэй).
Маны тэҥэ, «За любовь и верность» мэтээллэринэн Павел, Нина Дерябиннар, Иннокентий, Светлана Ивановтар, Ануфрий, Раиса Вензеллэр, Николай, Наталия Заровняевтар, Сергей, Октябрина Третьяковтар, Андрей, Ирина Бородиннар, Алексей, Галина Нестеровтар дьиэ кэргэттэрэ наҕараадаланнылар.
Инбэлииттэргэ уонна инбэлиит оҕолоох дьиэ кэргэттэргэ араас өрүттээх көмө оҥоһуллар. СӨ Үлэҕэ уонна социальнай сайдыыга …
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…