Өрөспүүбүлүкэ үөрэҕин үлэһиттэрин Тохсунньутааҕы мунньаҕын иитинэн бастыҥ педагогтары наҕараадалаатылар.
“Ил Дархан Айсен Николаев биллэрбит Үлэ сылын педагогтарбыт улахан ситиһиилээх көрсөллөр. Тохсунньутааҕы мунньах чэрчитинэн кыраайы үөрэтиигэ өрөспүүбүлүкэ норуодунай учуутала, Аҕа дойду Улуу сэриитин бэтэрээнэ Николай Иванович Афанасьев аатынан бириэмийэ аан маҥнайгытын туттарыллар. Өрөспүүбүлүкэлэрин туһунан элбэх оҕо билэрин инниттэн төрөөбүт дойдуларын үөрэтиигэ сирдиир бириэмийэ педагогтар көҕүлээһиннэрин өйүүр соруктаах”, — диэн Ил Дархан уонна Бырабыыталыстыба дьаһалтатын салайааччыта Георгий Михайлов наҕараадалааһын кэмигэр эттэ. Ол курдук, норуот учуутала Н.И.Афанасьев аатынан бириэмийэ лауреатынан С.С.Каримова аатынан Нерюнгри куорат 1-кы нүөмэрдээх гимназиятын географияҕа учуутала Марианна Кушнир буолла. Киниэхэ кыайыылаах дьупулуомун кытта биир кэмнээх харчынан бириэмийэни туттардылар.
“Гражданскай килбиэн” ураты бэлиэнэн Л.А.Колосова аатынан Дьокуускай куорат 33-с нүөмэрдээх оскуолатын математикаҕа учуутала Наталия Будищева, “Арктика” экспериментальнай интэринээт-оскуолатын дириэктэрэ Мария Руфова наҕараадаланнылар.
СӨ Бырабыыталыстыбатын кыраамататын Горнай улууһун С.П.Данилов аатынан Бэрдьигэстээх орто оскуолатын физикаҕа учуутала Фекла Евлева тутта.
“Эдэр саас уонна идэҕэ сатабыл” түөскэ иилинэр бэлиэни Сунтаар улууһун Кириэстээх орто оскуолатын дириэктэрин солбуйааччы Мария Михайлова, “СӨ үөрэҕин систиэмэтин туйгуна” түөскэ иилинэр бэлиэни Үөһээ Бүлүү улууһун үөрэҕин управлениетын начаалынньыга Спиридон Борбуев уонна Дьокуускай куораттан урбаанньыт Валентина Старцева “Улыбка” оҕону сайыннарар киинин иитээччитэ Людмила Лебедева ыллылар.
“Профессиональнай үөрэхтээһини сайыннарыыга кылаатын иһин” түөскэ иилинэр бэлиэнэн Дьокуускайдааҕы индустриальнай-педагогическай кэллиэс үлэҕэ үөрэтэр маастара Эдуард Голоков, “Саха сирин эрэлэ” түөскэ иилинэр бэлиэнэн Мэҥэ Хаҥалас улууһун Ф.Г.Охлопков аатынан Майа орто оскуолатын технологияҕа уонна информатикаҕа учуутала Айтал Плотников бэлиэтэннилэр.
Дьокуускайга национальнай многоборьеҕа уолаттар уонна кыргыттар ортолоругар күрэхтэһии түмүктэннэ. Манчаары оонньууларыгар 32 путевка бас билээччилэрэ…
Госдуумаҕа Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин баһылыга Ярослав Нилов (ЛДПР) дьиэ хаһаайыстыбатынан дьарыктанар…
Дьокуускай аэропорда Тиксии бөһүөлэгиттэн Ан-26 сөмөлүөтүнэн көтөн кэлбит 18 көлүүр табаны көрүстэ. «Сыаналаах уонна тыыннаах…
Хотугу норуоттар остуоруйалара "Сбербаан" үлэһиттэрин куоластарынан саҥардылар. "Сбербаан" Саха сиринээҕи салаата уонна Национальнай бибилэтиэкэ үлэһиттэрэ…
Саха сирин тырааныспарга борокуратуурата сөмөлүөккэ күлүгээннээбит пассажирга холуобунай дьыаланы тэрийдэ. Быһылаан 2025 сыл тохсунньутугар «Новосибирскай…
Кулун тутар 14 күнүгэр Айсен Николаев Өрөспүүбүлүкэтээҕи террору утары үлэлиир хамыыһыйа мунньаҕын ыытта. Манна тырааныспар,…