Хаартыска: Денис Попов.
“Юные якутяне” ресурснай киин тэрийэр «Спортивные якутяне» үөрэнээччилэр спартакиадаларын түмүктүүр түһүмэҕэ бэс ыйын 6-10 күннэригэр Дьокуускай куорат Бэрдьигэстээх эбийиэктэринэн ыытыллыаҕа. Финалга барыта 35 улуустан уонна куорат уокуругуттан 1778 оҕо кыттыаҕа. Итинтэн 295 оҕо Арктика 12 улууһуттан кэлиэҕэ.
Спартакиада успуорт 20 көрүҥэр ыытыллар, 137 мэтээл кэмпилиэгэ оонньонор. Кыайыылаахтарга 250 тыһ. солк., 200 тыһ. солк, 150 тыһ. солк. суумалаах харчынан бириистэри туттарыахтара.
Үөрэх уонна билим миниистирин бастакы солбуйааччы Алевтина Аргунова:
— Былырыын 33 улуус кыттыбыт эбит буоллаҕына, быйыл – 35 улуус, 1778 спортсмен кыттыаҕа. Өрөспүүбүлүкэҕэ биирдиилээн бастыыр иһин күрэхтэһиилэргэ уонна чөмпүйэнээттэргэ 2974 үөрэнээччи кытынна. Бу биһиги өрөспүүбүлүкэбит кэскиллээх эдэр спортсменнара буолаллар.
Спартакиадаҕа бэлэмнэнии иитинэн, Ил Дархан Айсен Николаев Ыйааҕынан, спартакиада түмүгүнэн көрүҥнэринэн бастыҥ тириэньэрдэргэ 100-түү тыһ. солк. суумалаах биэрэр туһунан быһаарыы ылыныллыбыта. Үп номнуо көрүллэн турар.
Быйыл Арктика улууһун оҕолоро эмиэ кытталлар. Физическэй култуура уонна успуорт, Тырааныспар министиэристибэлэрэ табыллан үлэлээһиннэрин түмүгэр, тэрийэр кэмитиэт бэрэссэдээтэлэ Сергей Сергеевич Местников көмөлөрүнэн Арктика улуустарыттар 116 оҕо номнуо Дьокуускайга кэллэ”, — диэн иһитиннэрдэ.
Пресс-кэмпириэнсийэ кэмигэр спартакиада кыттыылаахтарын анал таҥаһын билиһиннэрдилэр. Анал таҥаска футболка, бейсболка уонна бейдж киирэр. Тэрийээччилэр таҥастара – хара саарыл (фиолетовай), судьуйаларга – кыһыллыҥы-араҕас, волонтердарга – хара саарыл уонна күөх өҥ булкуспуттара.
Быйылгыттан спартакиада Өрөгөй ырыатын киллэрэн эрэллэр. Түмүк ыам ыйын 14 күнүгэр тахсыбыт, кыайыылаах биллибит. Онон тэрээһин үөрүүлээх аһыллыытыгар Өрөгөй ырыата ньиргийиэҕэ.
Санатан эттэххэ, “Юные якутяне” үөрэнээччилэр өрөспүүбүлүкэтээҕи спартакиадалара Ил Дархан Айсен Николаев көҕүлээһининэн, хас даҕаны сыл тохтуу сылдьан баран былырыын сөргүтүллүбүтэ.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…