Бастыҥ уһуйааччы-педагогтарга бириэмийэ туттарыахтара

Былырыын  Арассыыйаҕа  Педагог уонна уһуйааччы сылыгар, СӨ Ил Дархана Айсен Николаев   идэлэригэр үрдүк көрдөрүүлээх бастыҥ  уһуйааччы-педагогтарга   бириэмийэ олохтообута. 

Ааспыт сылга өрөспүүбүлүкэҕэ аан бастакытын 36 бастыҥ уһайааччы-педагокка 100 тыһ. солк. кээмэйдээх Ил Дархан  бириэмийэтин   туттарбыттара.

Быйыл  иккис сылын кыайыылаахтары быһаарыыга куонкурус ыытылынна.   Уопсастыбаннай куоластааһыҥҥа өрөспүүбүлүкэ араас муннуктарыттан 120 педагог кыттан, 36 кыайыылаахха 100 тыһ. солк. бириэмийэни Учуутал күнүгэр аналлаах үөрүүлээх тэрээһиҥҥэ, алтынньы 4 күнүгэр, туттарыахтара.