Хаартыска СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтиттэн
Бу күннэргэ СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтэ Хаҥалас улууһугар Батамайга кирдээх ууну тохпуттарынан бэрэбиэркэ ыыппытын туһунан иһитиннэрэр.
Министиэристибэ чат-ботугар Батамай аттыгар туттуллубут кирдээх ууну көҥүлэ суох тохпуттарын туһунан иһитиннэрии киирбит.
Министиэристибэ үлэһиттэрэ ыйыллыбыт сиргэ миэстэтигэр тиийэн бэрэбиэркэ ыыппыттарын түмүгэр, ууну «Арыма Турс» диэн тэрилтэ тохпута быһаарыллыбыт. Бу тэрилтэ Өлүөнэ өрүскэ ыраастаммыт ууну тоҕорго көҥүллээх эбит. Ол аата, уу тоҕуллуон иннинэ анал ыраастааһыны барыахтаах.
Айылҕаҕа оҥоһуллубут хоромньуну сыаналыырга, судаарыстыбаннай иниспиэктэрдэр уу тохтубут сириттэн буору анаалыстыырга ылбыттар.
СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтэ бу балаһыанньаны салгыы кэтиэҕэ уонна анаалыс түмүгүнэн сокуон чэрчитинэн дьаһалы ылыныаҕа диэн иһитиннэрэллэр.
Түөкүттэр Арассыыйа олохтоохторун саҥа ньыманан албынныыр буолбуттар – бырааска суруйтарабыт диэн тус дааннайдарын ылаллар диэн…
Бэҕэһээ, тохсунньу 26 күнүгэр, Дьокуускай куоракка арыгы иһэн баран уруулга олорбут суоппар суол быһылаанын таһаарда. …
Саха норуотун биир киэн туттар киһитэ Алексей Андреевич Иванов-Күндэ өр сыллар тухары 1898 сыллаахха төрөөбүтэ…
Дьокуускай куоракка массыынаттан түөрт көлүөһэни уорбуттарынан РФ Холуобунай кодексын 158 ыст. 2 чааһынан холуобунай дьыала…
Тиихэй акыйаантан сылаас салгын салгыы кэлэн, Саха сирин киин, илин өттүн сылытыаҕа. Нэдиэлэтээҕи күн-дьыл туругун…
Ил Дархан Айсен Николаев СӨ баайга-дуолга уонна сир сыһыаннаһыыларыгар миниистирэ Павел Багынановы кытары көрүстэ. 2025…