Хаартыска: ddv.moscow сайтан
Алтынньы 16 күнүгэр Н.Э.Бауман аатынан Москватааҕы судаарыстыбаннай тиэхиньиичэскэй университекка Уһук Илин эрэгийиэннэрин мобильнай интерактивнай экспозициялара саҕаланна.
Манна устудьуоннар Уһук Илиҥҥэ олоруу, үлэни булуу уонна сынньалаҥ туһунан билистилэр. Быыстапка “Москваҕа Уһук Илин эрэгийиэннэрин күннэрэ-2023” иитэр-патриотическай тэрээһиннэр үгэс буолбут комплекстарын чэрчитинэн тэрилиннэ. Бу Уһук Илиҥҥи федеральнай уокурукка РФ бэрэсидьиэнин боломуочуйалаах бэрэстэбиитэлин аппаратын, Уһук Илин уонна Арктика сайдыытыгар РФ министиэристибэтин, Уһук Илин уонна Арктика сайдыытын корпорациятын көҕүлээһиннэринэн ыытыллар. Тэрийээччи – “Социальнай көҕүлээһиннэри сайыннарар пуонда” кэмиэрчэскэйэ суох тэрилтэ.
Экспозиция биир сүрүн чааһын Уһук Илин уонна Арктика сайдыытын корпорациятын интерактивнай истиэндэлэрэ ыллылар. Истиэндэ Уһук Илин эрэгийиэннэригэр үлэ, үөрэх уонна олох туһунан кэпсиир. Устудьуоннар чуолаан улахан эрэгийиэҥҥэ көһөргө ылыахха сөп социальнай преференциялары сэргээтилэр. Холобур, Уһук Илиҥҥэ чэпчэтиилээх ипэтиэкэ кирэдьиитин бырагыраамата үлэлиир: олорор дьиэни сылга 2 % ылыахха сөп. “Уһук Илиҥҥи гектар” бырагыраама туһунан иһитиннэрии эмиэ интэриэһи үөскэттэ. Тоҕо диэтэххэ, Арассыыйа хас биирдии олохтооҕо 1 гаҕа диэри иэннээх сир учаастагын ылыан сөп, онуоха Интэриниэтинэн сайаапка түһэрэр.
Инникитин инженер буолуохтаах устудьуон Илья Мещуров РФ хас биирдии олохтооҕо Уһук Илиҥҥэ гектар ылыан сөбүн билэн, олус сэҥээрдэ.
«Мин гектар ылан баран сүөһү иитэр үрдүк технологиялаах тэрилтэни тэрийиэм этэ. Ону таһынан билигин олус наадалаах эйгэҕэ сөп түбэһэн, ынах-сүөһү ииттиэм этэ”, — диэтэ уонна чэпчэтиилээх ипэтиэкэнэн дьиэ ылар кыаҕы бэлиэтээтэ.
Москваҕа Уһук Илиҥҥи эрэгийиэннэр күннэрин туһунан – ddv.moscow официальнай сайтка бэчээттэнэр.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…