Ааптар хаартыскаҕа түһэриитэ.
Олунньу 3 күнүгэр өрөспүүбүлүкэ айар дьоҕурдаах дьонугар өссө биир үөрүүлээх, долгутулаах күн үүннэ.
Бу күн өрөспүүбүлүкэ баянистара, аккордеонистара “СӨ баянистарын уонна аккордеонистарын өрөспүүбүлүкэтээҕи сойууһа” тэриллэр, регистрациянан бигэргэтиллэр күнүн сибидиэтэллэрэ буоллулар.
Саха сирин араас улууһуттан уонна куораттарыттан кэлбит баянистары СӨ ырыа айааччыларын сойууһун бэрэссэдээтэлин солбуйааччы Степан Васильев:
“Биһиги, ырыа айааччылар, уонна баянистар сойуустара ыкса ситимнээхпит. Кэнники сылларга фонограммаҕа үтүрүйтэрэн, баянынан доҕуһуол кыратык намтаан ылла диэххэ сөп. Ол гынан баран, кэлин “Истиий дуу, баяниым ырыатын” бырайыак олоххо киллэриллэн, дьон олус кэтэһэр буолла. Биллэн турар, саха ырыата баян доҕуһуола суох сайдыбат. Бырааппыт, биһиги сойууспут чилиэнэ Алексей Потапов үгүс сылларга сыралаһан, бүгүҥҥү үөрүүлээх түгэҥҥэ тиийэн кэлбиппитигэр ис сүрэхтэн махтаныаҕыҥ!” – диэн эҕэрдэ тылын тириэртэ.
СӨ култууратын туйгуна, СӨ мелодистарын сойууһун чилиэнэ, “Эйгэ” уопсастыбаннай хамсааһын салайааччыта Алексей Потапов мустубут дьону:
“Инникитин даҕаны эһиги, хас биирдиигит, өйөбүлгүтүгэр эрэнэбит. Дьэ, кэмниэ-кэнэҕэс ыра санаабыт туолла. Сойуус буоламмыт, устааптанныбыт, бэчээттэннибит, кылаабынайа, бүгүн хас биирдиигит сойуус дастабырыанньатын уонна бочуоттаах бэлиэни тутуоххут” – диэн эҕэрдэлээтэ.
Саҥа сойуус чилиэннэрэ бүгүн бары баян доҕуһуоллаах айар киэһэҕэ мустуохтара.
Ааптар түһэриилэрэ.
Ахсынньы 22 күнүгэр Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ…
Саха сирин амарах, үтүө санаалаах дьоно тиһигин быспакка анал байыаннай дьайыыга сылдьар, госпиталларга сытар биир…
Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса…
Амма улууһун Олом Күөлүн эргин ардай аһыылаах бөрөлөр баалларын туһунан “Наахара” бааһынай хаһаайыстыбатын баһылыга Егор…
Хаҥалас улууһугар дьахтар бииргэ олорор эр киһитин быһаҕынан анньан эчэтэн, холуобунай дьыала тэрилиннэ. Биир сарсыарда…
Өксөкүлээх Өлөксөй аатынан Норуоттар доҕордоһууларын дьиэтигэр «НовоГОДний лабиринт МультиВСЕленной» диэн оҕо тыйаатырын туруоруутун көрдөрдүлэр. Манна…