Бу арыыга болҕомто ууруллара оруннаах

Кыыллаахтар барахсаттар, уустук олоххо уһаарыллыбыт, кыһалҕаҕа кыһарыйтаран кылааннааммыт буолан бу да сырыыга түмсэннэр, улахан уу халаанын бииргэ аһара сатыыллар. Ол эрээри, төһө даҕаны үбүлээн көһөрүүнү оҥорбуттарын иһин, биллэн турар, тыа киһитэ, ыала сүөһүтэ суох ииттинэр кыаҕа суох.

Ити көһөрүллүбүт бөһүөлэккэ – Даппарайга сүөһүнү иитиигэ ханан даҕаны табыгаһа суох. Бастакытынан, мэччирэҥ онно суох, иккиһинэн, оттуур сир суох, үсүһүнэн, оттоммут от муҥутаан ахсынньыга эрэ туоратыллар кыахтаах. Атыннык эттэххэ, букатын бу арыыттан аккаастанар буоллахха, бүтүн нэһилиэк кэриҥэ ииттинэр кыаҕа сарбыллар. Ол иһин бу арыыга болҕомто ууруллара оруннаах.

Мария ЛАРИОНОВА.