Хаартыска: ЫБММ пресс-сулууспата
Саха Өрөспүүбүлүкэтигэр баһаар уотун умулларарга 1500-тэн тахса баһаарынай уонна 139 тиэхиньикэ үлэлиир.
Саха сиригэр ааспыт сууккаҕа 33 гаалаах сиргэ 8 саҥа баһаар турбута бэлиэтэннэ. Баһаарынайдар алта баһаары суох оҥордулар. Бу туһунан атырдьах ыйын 5 күнүгэр эрэгийиэн экологияҕа миниистирин солбуйааччы Андрей Коноплев суһал ыстаап брифинин кэмигэр иһитиннэрбитин туһунан СИА суруйар.
Баһаардар Алдан, Нерюнгри, Уус Маайа улуустарын сирдэригэр-уоттарыгар бохсулуннулар. Атырдьах ыйын 5 күнүн сарсыардатыгар ойуурга 67 баһаар уонна айылҕа ураты харыстанар сирдэригэр 3 ойуур баһаара баар. 15 муниципальнай тэриллиигэ баһаардар бааллара бэлиэтэнэр.
Үөһээ Бүлүү, Горнай, Сунтаар уонна Өлүөхүмэ улуустарыгар балаһыанньа уустук. Баһаары бопсорго 1500-тэн тахса баһаарынай уонна 139 тиэхиньикэ туруулаһаллар.
Бе-200 сөмөлүөттэр бүгүн Сунтаар уонна Үөһээ Бүлүү улуустарыгар үлэлииллэрэ былааннанар. Ми-8 Горнай улууска үлэлиэн сөп.
«Баһаартан кутталлаах кэм саҕаланыаҕыттан барыта 2,2 мөлүйүөнтэн тахса гаалаах сиргэ 829 ойуур баһаара бохсулунна. Билигин эрэгийиэннээҕи уонна федеральнай таһымнаах ыксаллаах быһыы-майгы эрэһиимэ салҕанар. Алта улууска: Бүлүүгэ, Дьааҥыга, Үөһээ Бүлүүгэ, Горнайга, Өлүөхүмэҕэ, Сунтаарга муниципальнай таһымнаах ыксаллаах быһыы-майгы эрэһиимэ үлэлиир. Бэс ыйын 26 күнүттэн өрөспүүбүлүкэ сиригэр-уотугар баһаары утары охсуһар ураты эрэһиим киллэриллибитэ. Онон сибээстээн, нэһилиэнньэ тыаҕа сылдьарыгар хааччахтар киллэрилллибиттэрэ уонна аһаҕас уоту оттоллоро бобуллар”, — диэтэ Андрей Коноплев.
Анал байыаннай дьайыы кыттыылааҕа уонна «Саха сирэ – Дьоруойдар дойдулара» эрэгийиэннээҕи каадыр бырагырааматын кыттыылааҕа Тит…
Суукка иһигэр Дьокуускайга биэс суол саахала буолбут, ол түмүгэр икки киһи тыына быстыбытын туһунан ГАИ…
Москваҕа Арассыыйа Федерациятын Судаарыстыбаннай сэбиэтин «Энергетика» салаатыгар хамыыһыйа мунньаҕа буолла. Мунньаҕы хамыыһыйа салайааччыта – Саха…
Бүгүн Саха сириттэн байыаннай дьайыы буола турар сиригэр байыастарга тиэхиньикэ саппаастарын, гуманитарнай көмөнү уонна сэргэни…
Бүгүн Чурапчы улууһугар оскуоланы кыһыл уонна үрүҥ көмүс мэтээлинэн бүтэрбит 17 выпускнигы чиэстээтилэр. Кыһыл көмүс…
Дьокуускайга полиция 2-с №-дээх отделыгар олохтоох дьахтар кыһыл көмүс киэргэллэрин уордарбытын туһунан иһитиннэрбит. Кини кыбартыыратыттан…