Бүгүн, алтынньы 6 күнүгэр, “Сахабэчээт” идэлээх сойууһа уонна “Сахамедиа” холдинг куорат олохтоохторугар аныыр “Дэлэй чэппиэр” тэрээһинэ саҕаланна.
Манна бу тэрилтэлэр үлэһиттэрэ күһүҥҥү атыы-дьаарбаҥканы тэрийдилэр. Атыы-дьаарбаҥка эстрада ырыаһыта Алексей Потапов ырыатынан уонна норуот маастара, СӨ култууратын туйгуна Людмила Жиркова салайар “Үктэл” айар устуудьуйа моделларын көрдөрүүттэн саҕаланна. Бүгүн чэпчэтиилээх сыананан хаһыакка, сурунаалга сурутуу декадатын чэрчитинэн “Үтүө санаанан сурутуу” үгэс буолбут аһымал-аахсыйа тэриллэр. Ким баҕалаах өрөспүүбүлүкэ уонна улуустар таһаарыыларыгар сурутан, чугас дьонноругар, бэтэрээннэргэ, элбэх оҕолоох ыалларга, оскуолаларга уо.д.а. бэлэх оҥороругар үчүгэй кыах бэриллэр. Аахсыйа хас биирдии кыттыылаҕҕар тустаах бэлэх туттарыллар.
Автограф-сиэссийэҕэ биллиилээх суруйааччылар кинигэлэрин атыылаһан, илии баттатыахха сөп. Ону таһынан Дьокуускай куорат социальнай көмүскэлгэ управлениетын, Саха сиригэр Арассыыйа нолуокка федеральнай сулууспатын уонна Почта-баан исписэлиистэрэ кытталлар. Кинилэртэн бу күн интэриэһиргиир ыйыыталаргытыгар хоруйдары ылыаххыт. Киэһэ 5 чааска диэри буолар атыы-дьаарбаҥкаҕа өссө да араас муусукаалынай нүөмэрдэр, биһиги таһаарыыларбыт дьоруойдарыттан маастар-кылаастар баар буолуохтара. Түргэнник ааҕыы куонкуруһугар кыттыбыт хас биирдии кыттааччы эмиэ бириистээх барыаҕа.
Тэрээһин Бэчээт дьиэтигэр¸Орджоникидзе уулуссатын 31 нүөмэрдээх дьиэтигэр, 2 этээскэ Медиа-кииҥҥэ ыытыллар.
Ааптар уонна Анивера Акимова хаартыскалара
Салгыы видео-устууну көрүҥ.
Бэҕэһээ, ыам ыйын 20 күнүгэр, Эдьигээн сэлиэнньэтигэр өрүскэ муус хамсаан, үс суудуна эмсэҕэлээтэ. Онтон иккитэ…
Нам улууһун Түбэ нэһилиэгин олохтооҕо Светлана Атласова 32 урулуон отун халаантан эмсэҕэлээбит Хатырык уонна Маймаҕа…
Арассыыйа Ыксаллаах быһыыга-майгыга министиэристибэтин үлэһиттэрэ Намҥа сэттэ булчуту быыһаатылар диэн ЫБММ пресс-сулууспата иһитиннэрэр. Булчуттар дьиэлэригэр…
Ыам ыйын 17 күнүттэн Москваҕа "Арассыыйа" форум-быыстапка чэрчитинэн ВДНХ 31 №-дээх "Геология" павильонугар "Ирбэт тоҥ…
Бу күннэргэ Алексей Илларионов АйТи оскуолата “Мас-рестлинг” диэн сахалыы оонньууну оҥорон таһаарбыт. Тугун-ханныгын, хайдах оонньонорун…
Саха сирэ Уһук Илин уокуругар демографическай уонна дьиэ кэргэн бэлиитикэтигэр биир бастыҥынан ааттанна. Бу туһунан…