Хаартыска: Андрей Сорокин, ЯСИА.
Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Ольга Балабкина олунньу 12 күнүгэр Бэчинчэҕэ судаарыстыбаннай былаас ситэриилээх уорганын 2025 сыллааҕы үлэтин туһунан отчуоттаата. Кини өрөспүүбүлүкэ нэһилиэктэрин гаастааһыҥҥа эрэгийиэннээҕи бырагыраама биир улахан тэрээһин буоларын, ол Ленскэй оройуонугар көхтөөхтүк олоххо киирэрин бэлиэтээтэ.
Быйыл Бэчинчэҕэ гааһынан оттуллар саҥа хочуолунай үлэлиэҕэ. «Саха Өрөспүүбүлүкэтин 2026-2030 сылларга гааһынан хааччыйыы уонна гаастааһын сайдыытын бырагырааматынан Ленскэй оройуонун үс нэһилиэгэр, ол иһигэр Бэчинчэ нэһилиэгэр гаас киириэҕэ. Ааспыт сылга эбийиэккэ тутар-таҥар үлэлэр түмүктэммиттэрэ, аны гааһы ситиминэн ыытыы күүтүллэр. Саҥа хочуолунай оскуоланы, уһуйааны уонна элбэх кыбартыыралаах дьиэни сылааһынан хааччыйыаҕа», – диэн СӨ Бырабыыталыстыбатын Бэрэссэдээтэлин солбуйааччы Ольга Балабкина иһитиннэрдэ.
«Газпром» ААУо иһитиннэрбитинэн, гаас турбатынан гааһы ыытыы 2026 сыл иккис кыбаарталыгар күүтүллэр. Бэчинчэ саҥа хочуолунайын кыаматата 2,2 МВт буолуоҕа. Блок-модульнай хочуолунайы атыылаһыы уонна аҕалан туруоруу суумата – 23,7 мөл. солк.
Отчуокка нэһилиэк олохтоохторо үчүгэй уларыйыылар баалларын бэлиэтээтилэр уонна Бырабыыталыстыба иннинэ отчуокка этиллибит сорох боппуруостары быһаарбыттарын иһин махталларын тиэртилэр. Холобура, ааспыт сылга олохтоохтор Бырабыыталыстыба отчуотугар нэһилиэккэ бэйэтигэр суһал мэдиссиинэ көмөтүн массыыната наада диэбиттэрэ, билигин саҥа массыына Бэчинчэ биэлсэр-акушер пуунугар баар буолла. «Бу систиэмэлээх үлэни уонна Бырабыыталыстыба отчуоттааһына көдьүүстээҕин көрдөрөр. Ил Дархан Айсен Николаев этэринэн, бары нэһилиэктэргэ тиийэн ыытыллар отчуоттар олохтоохтор Бырабыыталыстыба чилиэннэригэр бэйэлэрин кыһалҕаларын кэпсииллэригэр көмөлөһөр. Бэчинчэ олохтоохторун отчуоттарга этиллибит этиилэринэн оскуола, уһуйаан, биэлсэр-акушер пууна үлэлээн саҕалаата, суолга өрөмүөн үлэлэрэ ыытыллаллар, ол дьон олоҕун тупсарыыга уонна суолга сылдьыы куттала суох буолуутун үрдэтиигэ көмөлөһөр», – диэтэ СӨ Бырабыыталыстыбатын Бэрэссэдээтэлин солбуйааччы Ольга Балабкина.
Сиһилии: https://www.sakha.gov.ru/news/26122
“Арктика синергията” телекоммуникационнай инфраструктураны сайыннарыы бөдөҥ бырайыагын көмөтүнэн быйыл Кэбээйи улууһун ыраах сытар Сиэгэн Күөл…
Саха сиригэр байыаннай дьайыы кыттыылаахтарын үлэҕэ киириилэрин кубуотатын элбэтиэхтэрэ. Бу туһунан СӨ Нэһилиэнньэтин дьарыктаах буолуутун…
Аллайыаха улууһун Чокуурдаах бөһүөлэгэр быйыл саҥа канализационнай-ыраастыыр ыстаансыйаны үлэҕэ киллэрэр былааннаахтар. Сууккаҕа 400 кубометр кыамталаах…
Олунньу 13 күнүгэр Саха сиригэр Төрөөбүт тыл уонна сурук-бичик күнүн бэлиэтиибит. Бу күн сахалартан бастакы…
Саха Өрөспүүбүлүкэтин Ленскэй улууһун суута олохтоох киһиэхэ буруйдуур бириигэбэри таһаарда. Кини атын баайы-дуолу туттуу иһин…
Дьокуускайга олунньу 14-15 күннэригэр "Тоҥ-Jazz'' Бүтүн Арассыыйатааҕы джазовай муусука бэстибээлэ сэттис төгүлүн ыытыллыаҕа. Бэстибээлгэ Уһук…