Ньурба Хорулатыгар тобурахтаата

Ньурба улууһугар Хорулаҕа тобурах түспүтүн туһунан социальнай ситимҥэ тарҕаммыт.

Хаартыскаҕа да, видеоҕа да көрдөххө, дьэ, бөдөҥ тобурахтар. Бу иннинэ Сүлэҕэ эмиэ түспүтүн  туһунан иһиллэн турар. Онон Сүлэ олохтооҕо Люция Даниловна Никифороваттан чопчуластыбыт.

—Тобурах Ньукуолун кэмигэр түспүтэ, кылгастык. Сүлэҕэ, Хорулаҕа Күндээдэҕэ. Улахан тобурахтар. Чыычаах сымыытын саҕа баара буолуо. Биһиги үүнээйибитин былырыын тоҥорууга былдьаппыт буоламмыт, быйыл хойутуу таһаарбыппыт, онон этэҥҥэ тураллар. Бэҕэһээ Хорулаҕа эмиэ тобурахтаабыт диэтилэр.