“Бэдьимэҕэ буолбатах!”
![](https://sakha-sire.ru/wp-content/uploads/2024/07/nature-forest-grass-walking-field-meadow-1294942-pxhere.com_-900x596-1.jpg)
Күн аайы араас ис хоһоонноох сурахтар социальнай ситиминэн тарҕаналлар. Үөрүүлээх, хомолтолоох, сороҕор киһи куттанар да сонуннара. Ону барытын иилэ хабан ылан, хайаан да Саха сиригэр буолбут үһү диэн өйдөөччүлэр элбэхтэр.
Быйыл сайын хаһааҥҥытааҕар даҕаны тыатааҕы элбээбитэ дьиксиннэрэр. Онон быһыылаах, бүгүн ыты сиэн баран тайҕа хаһаайына хаан-сиин буолан, өлө сытар хаартыската Бэдьимэҕэ үһү диэн суруктаах тарҕанан дьону аймаата. Бу төһө оруннааҕын билээри Мэҥэ Хаҥалас улууһун Бэдьимэ нэһилиэгин баһылыгын солбуйааччы Римма Поповаҕа эрийэн туоһуластыбыт.
— Бу биһиги Бэдьимэбитигэр буолбатах. Барыта этэҥҥэ. Ити хаартыска тарҕаммытын кэнниттэн Приморьеҕа диэн суруйбуттара кэлбитэ, — диэтэ Римма Попова.
Ол да буоллар, оттооһун, сир астааһын кэмигэр, ойуурга сэрэхтээх буолуҥ!
Сообщить об опечатке
Текст, который будет отправлен нашим редакторам: