Бэдьимэлэр окко бары киирдилэр

Мэҥэ Хаҥалас улууһун атын нэһилиэктэрин курдук, Бэдьимэ олохтоохторо кыстыкка бэлэмнэнэллэр. Сыл тахсар отторун булаары түбүгүрэллэр.  Быйылгы окко былааннара – 1906 туонна. Ону сабаҕалааһын, сири-уоту кэрийэн көрүү түмүгэр 1600 туонна курдугу кэбиһиэхпит диэн ааҕыналлар.

— Ону тэҥэ өрүскэ уонна чугастааҕы дэриэбинэлэргэ мобильнай биригээдэлэр оттууллар. Биһиэхэ алта бааһынай-пиэрмэр, 72 кэтэх хаһаайыстыбалаахпыт. Билиҥҥи туругунан, сүүс бырыһыан окко киирбиттэрэ. 200 т оту чөкөттүбүт. От үүнүүтэ быйыл үчүгэй. Ол гынан баран, сирбит кыараҕас, онон атын сирдэргэ отууллар, — диэн иһитиннэрдэ “Саха сирэ” хаһыат саайтыгар анаан тыа хаһаайыстыбатын исписэлииһэ Саргылана Васильевна Атласова.

Хаартыска: С.Атласова ыытта