Бээрийэ кыыһа Хотойук Айгыына: «Уол оҕо барахсан!»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 38-с кыттааччыта Уус Алдантан Бээрийэ кыыһа Хотойук Айгыына:

Уол оҕо барахсан!

Уус кыһалаах төрүттэргин умнума, тумнума!
Тааһы, тимири суоһарар буол,
Хахайдыы хорсуннар истэригэр,
Эн, өрүү баар буол!

Ыччаты төлкөлүүр төрүт аналлааххын,
Умнума, тумнума
Ыччатыҥ иннигэр баар барыта,
Инники, үрдүккэ талас,
Хотойдуу эн, көт!

Олоҕу уһансар улуу соруктааххын,
Умнума, тумнума
Улуу дьон сыдьаана буоларгын,
Иннигэр-кэннигэр төрүттэриҥ,
Өрүү бааллар, умнума!

Тиҥилэхтиир сиргиттэн,
Торумнуур санааҕыттан,
Күн сырдык чаҕылыттан,
Күүс баар барыта,
Умнума, тумнума!