Бэҕэһээ 20-тэн тахса киһи атыы-эргиэн киинигэр хаайтарбыт

Бэҕэһээ киэһэ Дьокуускайга «Олоҥхо» атыы-эргиэн киинин аана таһыттан хатанан, дьон бөҕө хайтарбыт. Хаайтарбыт дьон ыксаан киэһэ 20 ч. 58 м. «01» сулууспаҕа  эрийбиттэр.

Атыы-эргиэн киинэ 20.00 ч. диэри үлэлиир эбит эрээри, үҥкүү куруоһуга арыый хойутаан бүппүт.

Харабыл киин иһигэр номнуо ким да суох диэн,  ааны таһыттан хатаан баран барбыт.

Куруһуокка сылдьар оҕолор уонна төрөппүттэр харабыл хаһан кэлэрин кэтэһэ сатаан баран, «01» сулууспаҕа эрийбиттэр.

Тута СӨ Быыһыыр сулууспатын алта быыһааччыта тиийэн, силиэсэринэй үнүстүрүмүөнүнэн ааны аспыттар.