Бэҕэһээ 6 буруй оҥоһуллубут

Ааспыт күн Саха сирин улуустарыгар барыта алта буруйу оҥоруу тахсыбыт. Бу туһунан Саха сирин борокуратуурата биллэрэр. 

Мииринэйгэ 1980 с.т. эр киһини доруобуйата күүскэ сатарыйыар диэри кырбаабыттар, буруйу оҥорууга уорбаланар киһи тутуллубут. Нерюнгри, Уус Алдан, уонна Ленскэй  оройуоннарыгар түөкүннээһинтэн эмсэҕэлээбит дьон үҥсүү киллэрбиттэр. Хаандыгаҕа «Тойота Карина» массыынаны уорбуттарын туһунан полицияҕа сайабылыанньа суруйбуттар. Дьокуускайга наркотик эргиэнин эйгэтигэр буруйу кэһии тохтотуллубут.

Суукка иһигэр үс баһаар буолбут. Дьокуускайга Кузьмин уулуссата 14-дэ аадырыска дьиэ тиэхэньиичэскэй этээһигэр күөдьүйбүт баһаар умуруоруллубут, баһаар буолбут сириттэн уокка умайбыт эр киһи өлүгэ көстүбүт. Эр киһи аата-суола чахчылана илик.

Киһи өлүүлээх суол саахала бу кэмҥэ тахсыбатах.