Мария Архипова хзаартыската, СИА.
Бэҕэһээ Дьокуускай аэропордугар байыаннай эпэрээссийэттэн кэлбит байыаһы көрүстүлэр. Байыаһы кини дьиэ кэргэнэ уонна Саха сирин үөрэххэ уонна наукаҕа миниистирин солбуйааччы Алевтина Аргунова көрүстүлэр. Өрөспүүбүлүкэ Ил Дарханын Айсен Николаев аатыттан кини байыаска хорсун быһыытын иһин махтанна уонна киэн туттуу бэлиэтин быһыытынан саха быһаҕын туттарда, диэн СИА суруйар.
Байыаннай сулууспалаах этэринэн, кини 2022 сыл балаҕан ыйыгар ыҥырыллан, Донецкайга бойобуой соруктары толорууга кыттыбыт.
“Байыаннай эпэрээссийэҕэ үс ыйтан ордук сырыттым. Кырдьык, ыарахан этэ, ол эрээри мин Аҕа дойдуларын көмүскүү барбыт доҕотторбун уонна Саха сирин олохтоохторун кытта бииргэ сулууспалаатым. Өрөспүүбүлүкэ өртүттэн үгүс көмө оҥоһулунна, бэл, бородуукталарынан уонна наадалаах тэриллэринэн. Барыларыгар махтанабын”, — диэтэ байыас.
Байыаннай сулууспалаах чугас дьоно төһө да долгуйдаллар, эр киһи төрөөбүт дойдутун көмүскүү барарын ылыммыттара уонна Аҕа дойду буойуннарын дьиэ кэргэнигэр уонна Саха сирин үөрэххэ уонна наукаҕа миниистиэристибэтигэр көмөлөрүн иһин махтаннылар.
“Этэҥҥэ төннөн кэлиэ диэн эрэнэр этибит. Бары дьиэ кэргэттэргэ тулууру уонна эрэли, оттон биһиги саллааттарбытыгар – чэгиэн доруобуйаны, уһун олоҕу, төрөөбүт алаһа дьиэлэригэр этэҥҥэ төннөн кэлэллэригэр баҕарабыт. Аҕа дойдугутун көмүскүүргүт иһин махтанабыт!”, — диэн бэлиэтээтилэр чугас дьоно.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…