Бэҕэһээ Дьокуускай үрдүнэн туох сөмөлүөтэ төттөрү-таары эргийдэ?

Бэҕэһээ Дьокуускай куорат үрдүнэн кыра көтөр аал төттөрү-таары эргийэн, үгүс киһини долгутта. Социальнай ситимнэринэн бу туһунан дьон үгүстүк кэпсэттэ. Бары да соһуйдулар. 

Дьокуускай куорат аэропуорда ТГ-ханаалыгар бу туһунан маннык иһитиннэрдэ:

-Бу сыллааҕы былааннааммыт бэрэбиэркэлиир  үлэ. Анал сөмөлүөт-лаборатория аэродром  уотун-күөһүн, сигналлыыр оборудованиеларын бэрэбиэркэлиир. Маннык бэрэбиэркэлиир үлэ киэһэ хараҥаҕа ыытыллар. Көтөр аал төттөрү-таары хаста да эргийэн, араас муннуктан, үрдүктэн аэродрому бэрэбиэркэлиир.