Бэҕэһээ нэһилиэк баһылыктарын таллылар

Бэҕэһээ Мэҥэ Хаҥалас, Таатта,  Уус Алдан улуустарыгар нэһилиэк баһылыктарын таллылар.

Киин быыбардыыр хамыыһыйа иһитиннэрбитинэн, Мэҥэ Хаҥалас улууһун Мөҥүрүөн нэһилиэгин баһылыгынан «Биир ньыгыл Арассыыйа» баартыйа хандьыдаата, нэһилиэк баһылыгын э.т. Юрий Александров талылынна. Киниэхэ 191 быыбардааччы куоластаата.

Таатта улууһун Баайаҕатын баһылыгын быыбарыгар  быыбардааччылар 96,51% куоластарын  «Биир ньыгыл Арассыыйа» баартыйа хандьыдаата, спортинструктор Александр Романов ылла.

Уус Алдан улууһун 2-с Лөгөй баһылыгынан  «Биир ньыгыл Арассыыйа» баартыйа туруорбут хандьыдаата,  машинист-хачыгаар  Петр Бурнашев буолла. Киниэхэ  140 киһи куоластаата.