Бэҕэһээ түөкүттэр 1,5 мөл. солк. уорбуттар

Ааспыт сууккаҕа өрөспүүбүлүкэҕэ барыта тоҕус буруйу оҥоруу бэлиэтэммит.

Дьокуускай куоракка, Ленскэй уонна Хаҥалас улуустарыгар түөкүннээһин туһунан иһитиннэрии киирбит, дьону албыннаан 1,5 мөл. солк. тахса сууманы уорбуттар.

Дьокуускай куоракка баан счетуттан 788 тыһ. солк. тахса харчыны уорбуттар. Ону тэҥэ, куоракка наркотигы эргиниигэ буруйу оҥорууну тохтоппуттар, Нерюнгри куоракка “ВАЗ-2121” массыынаны уорбуттар, Дьокуускайга уонна Уус Алдан улууһугар итирик туруктаах сылдьан хаттаан массыына ыыта сылдьар дьону туппуттар.

Суукка устата арыгы иһэн баран уруулга олорбут 8 суоппары туппуттар.