Бэҕэһээҥҥиттэн, олунньу 8 күнүттэн, ситэриилээх былаас отчуота Кэбээйи улууһугар саҕаланна. Ол курдук СӨ урбааҥҥа, атыыга-эргиэҥҥэ, туризмҥа миниистирэ Тимур Ханды салалтатынан икки бөлөх Кэбээйи улууһун 16 нэһилиэгин олохтоохторун кытта көрсүөхтэрэ.
Бэҕэһээ бырабыыталыстыба бэрэстэбиитэллэрэ Батамай, Сиэгэн Күөл уонна Сайылык олохтоохторун кытта көрсүбүттэрэ. Кэбээйи улууһугар отчуоттар алта күн устата ыытыллыахтара. Түмүктүүр отчуот олунньу 13 күнүгэр Сангаар бөһүөлэгэр буолуоҕа. Миниистир Тимур Ханды Кэбээйи улууһугар сылдьыы туһунан эрдэ былааннаабыт, тоҕо диэтэххэ, туризмы оройуоҥҥа сайыннарыахха сөбүн бэлиэтиир.
«Үөрэхтээһин» национальнай бырайыак чэрчитинэн, Кэбээйи оройуонугар түөрт сыл иһигэр оскуолаларга «Точка роста» диэн 13 үөрэх киинэ оҥоһуллубут, Сайылык нэһилиэгэр 275 миэстэлээх оскуола тутуллубут. Ону сэргэ Арыктаах нэһилиэгэр биэлсэр-акушерскай пуун үлэҕэ киирбит. «Култуура» бырайыагынан Кэбээйи оройуонун кыраайы үөрэтэр мусуойугар хапытаалынай өрөмүөн оҥоһуллубута. Ону таһынан Мастаахха култуура киинин тутуутун бырайыактыыр-симиэтэ эспэртиисэтэ бэлэмнэниллэр. Батамайга «Жилье и городская среда» национальнай бырайыагынан сынньалаҥ култуура паарката тупсарыллыбыт. Тимур Ханды бэлиэтииринэн, Батамайга олохтоохтор этиилэринэн саҥа бырайыактар олоххо киириэхтэрэ.
Кутурук иилиммит, сирэйигэр куоска мааскалаах эрдэҕэс саастаах кыыс оҕо оонньуур былаһааккатыгар түөрт атах буолан сылдьарын…
Бэҕэһээ, ыам 17 күнүгэр, Амма улууһугар быйыл ыытыллар Олоҥхо ыһыаҕын тэрийэр кэмитиэт көһө сылдьар сүбэ-мунньаҕа…
Дьылбыт быйыл эрдэлээн иһэр буолан, сайылыктаахтар көһүүлэриттэн саҕалаан, тыа сиригэр үлэ тэтимэ биир кэм оргуйан…
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…