Бэҕэһээ Саха сиригэр 3 ойуур баһаарын умуруорбуттар

Ааспыт сууккаҕа Саха сирин үрдүнэн 70 гектар иэннээх 3 баһаар умуруоруллубут.

Бэс ыйын 29 күнүн сарсыардатыгар 10 030,4 га иэннээх сиргэ 21 ойуур баһаара баара биллибит.  Уус Маайаҕа 7, Өймөкөөҥҥө 3, Алдан, Үөһээ Халыма, Томпо улуустарыгар 2-лии, Амма, Горнай, Мэҥэ Хаҥалас, Орто Халыма улуустарыгар биирдии ойуур баһаардара күөх дуолу мэҥиэстэллэр. Ону кытта икки ойуур баһаара Уус Маайа уонна Булуҥ улуустарыгар 342 гектар иэннээх сирдэргэ тарҕаммыт.

Уоту утары 255 киһи, 13 анал тиэхиньикэ үлэлии сылдьаллар. Амма, Ньурба, Өлүөхүмэ, Таатта уонна Өймөкөөн улуустарыгар үрдүкү, 4-с кылаастаах баһаар куттала биллэриллибит.