Айаал Черноградскай хаартыската, СИА.
Бу өрөбүллэргэ, олунньу 1-2 күннэригэр, Уус Алдан улууһун киинигэр Бороҕоҥҥо ыытыллар «Чөмпүйүөн Куубагар» өрөспүүбүлүкэ күүстээх многоборецтара «Дыгын оонньууларын» финалыгар киирсэр иһин күрэхтэһиэхтэрэ.
Бу күрэхтэһии «Дыгын оонньууларыгар» сүүмэрдиир иккис түһүмэҕинэн буолар. Куубакка Леонид Филиппов, Алексей Уваровскай, Вячеслав Дьяконов, Николай Матаннанов уо.д.а. кытталлара күүтүллэр. Кэлэр оонньуулар финалыгар 16 боотур киирсиэҕэ. Спортсменнар ыһыахха ыытыллар сүрүн түһүлгэ иннинэ үс төгүллээн сүүмэрдиир түһүмэҕи ааһаллар. Ол аата, хас биирдии спортсмен үс түһүмэххэ барытыгар кыттан, бааллары хомуйуоҕа. Үс түһүмэх түмүгүнэн бастыҥ көрдөрүүлээх уолаттар эрэ финалга ааһыахтара.
Кыттааччылар ыстаҥаҕа, тутум эргииргэ, мас-рестлиҥҥэ, оҕунан ытыыга, сүүрүүгэ, хапсаҕайга уонна тааһы көтөҕүүгэ күрэхтэһиэхтэрэ. «Кыайыылаах эр бэрдэ Уус Алдан улууһуттан 150 тыһ.солк. уонна миигиттэн убаһанан наҕараадаланыаҕа. Иккис миэстэҕэ Габышевтар дьиэ кэргэн 100 тыһ.солк. туруордулар. Үһүс миэстэ бирииһин — 50 тыһ.солк. многоборье федерацията туруорда. Итиэннэ көрүҥнэринэн кыайыылаахтары бириистэринэн наҕараадалыахтара», — диэн СӨ национальнай многоборьеҕа федерациятын толорооччу дириэктэрэ Иван Белолюбскай СИА-ҕа иһитиннэрдэ.
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
Ил Дархан Айсен Николаев бэҕэһээ, тохсунньу 9 күнүгэр, оробуочай сырыытынан Дьокуускайга баар Искэн киинин үлэтин…