Хаартыска -- Елена Потоцкая
Ил Дархан 2022-2030 сылларга кытаанах хомунаалынай тобоҕу харайыыга эрэгийиэннээҕи бырагыраама олоххо киириитин хонтуруоллуур инниттэн бэрэбиэркэлиир мунньаҕы ыытта.
Хомунаалынай тобоҕу харайыыга туһаайыллыбыт үлэ дойду хас биирдии эрэгийиэнигэр ыытыллар.
Саха сиригэр оҥоһуллубут докумуон кулун тутарга ылыныллыбыта. Ол эрээри борокуруор ирдэбилинэн тобоҕу харайыы кутталлаах эттиктэринэн арааран оҥорууга кэккэ уларытыы киириэхтээх.
Тэрээһин ситэтэ суох ыытылларынан сибээстээн, киин куоракка уонна улуустарга тустаах үлэни ыытарга Ил Дархан икки ыйы биэрдэ.
Маны тэҥэ, Аҕа баһылык кураанах хомунаалынай тобоҕу биир кэлимник харайыыга туһаайыллыбыт бырагыраама олоххо киириитин СӨ ОДьКХ министиэристибэтэ хонтуруоллууругар сорудахтаата. Бу үлэҕэ экология, айылҕа харыстабылын уонна ойуур хаһаайыстыбаларын министиэристибэлэрэ эмиэ кыттыһалларыгар сорудахтаата.
Мунньахха контейнердардаах былаһааккалары тэрийии туһунан ырыттылар. Бүгүҥҥү күҥҥэ бөх тоҕор сирдэр 40 % нормативнай ирдэбилгэ сөп түбэспэттэр. 2030 сылга диэри Саха сиригэр 36 тыһыынча бөх тоҕор контейнердаах былаһаакка баар буолуохтааҕыттан аҥаарыгар тиийбэт эрэ баар.
Мунньах кыттааччылара анал тиэхиньикэ тиийбэтин, Бүлүүлүүр суолга баар саҥа бөх тоҕор полигон тутуутун хаамыытын, кураанах бөҕү тоҕор сиргэ араарыллан суортааһыны барбыт (сортировка) бөҕү эрэ илдьиини сиһилии ырыттылар.
Бу мунньахха сыһыаннаан бэлиэтиэхпин баҕарабын. Быйыл командировкаҕа сылдьан, Бүлүү улууһугар Халбаакыга кураанах бөҕү тоҕор контейнердар былаһааккалара оҥоһуллубуттарын бэлиэтии көрөн сэргээбитим.
Оттон икки сыллааҕыта Мэҥэ Хаҥалас улууһугар Майаҕа сылдьан, кураанах бөҕү тоҕор контейнердары эмиэ бэркэ сэргии көрөн, хаартыскаҕа түһэрбитим.
Көстөрүн курдук, кураанах хомунаалынай тобоҕу анаан суортаан араарбыттар.
Онон Ил Дархан кураанах хомунаалынай тобоҕу биир кэлимник харайыыга туһаайыллыбыт бырагырааманы олоххо киллэриигэ икки ыйы биэрдэ. Бу сорук сааскы субуотунньуктар, бөҕү-сыыһы ыраастааһын ыйдарын кэмигэр олохтоох дьаһалаталар баһылыктара бэйэлэригэр сорук туруоран, толороллоругар эрэнэбит.
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…
Бүгүн байыаннай-бэлитиичэскэй үлэҕэ Илиҥҥи байыаннай уокурук сэриилэрин командующайын солбуйааччы Роман Грековы кытта СӨ премьер-миниистирэ Кирилл…
Сэтинньи 12-22 күннэригэр Былатыан Ойуунускай аатынан Саха театра 120 айар дьылын чэрчитинэн Волга өрүс кытылыгар…
Быстах кэмҥэ үлэлээбэккэ олоруу иһин босуобуйа муҥутуур үрдүк кээмэйэ күҥҥэ 5700 солк. кэриҥэ диэн Судаарыстьыбаннай…
Ил Түмэн Бэрэссэдээтэлэ Алексей Еремеев бүгүн Нам сэлиэнньэтигэр оробуочай сырыынан тиийдэ. Үлэ сүрүн соруга –…
Мас-рестлиҥҥэ Арассыыйа сүүмэрдэммит хамаандатын састааба билиннэ. Бу туһунан Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрдэ.…