Бөх тоҕор сиргэ саҥа төрөөбүт оҕо өлүгэ көһүннэ

Бу күннэргэ социальнай ситимнэргэ киһи өйүгэр батан киирбэт сурах тарҕанна. Ол курдук, Баатаҕайга саҥа төрөөбүт оҕону бырахпыттарын туһунан иһитиннэрии үгүс киһини аймаата, соһутта. 

Балаҕан ыйын 9 күнүгэр бөҕү-саҕы тоҕор  сиргэ  саҥа төрөөбүт оҕо өлүгэ көстүбүт. Билигин РФ Силиэстийэлиир кэмитиэтин Саха сиринээҕи управлениетын Верхоянскайдааҕы оройуоннар икки ардыларынааҕы салаата туһааннаах быһылаанынан бэрэбиэркэ ыытан эрэр.  Оҕо өлүгүн бөҕү тоҕор анал массыына суоппара көрөн, тута быраабы  араҥаччылыыр  уорганнарга  тыллаабыт. Силиэстийэлиир кэмитиэт силиэдэбэтэллэрэ тута миэстэтигэр тиийэн көрбүттэр. Билигин судебнай-мэдиссиинскэй эспэртиисэ үлэтэ ыытыллар