“Бэйбэрикээн-2” уус-уран киинэни хаттаан көрдөрүөхтэрэ

Оскуола оҕолоругар сынньалаҥ кэмигэр, “Республика” (“Лена” киинэ тыйаатыр атын аана) киинэ саалатыгар Константин Тимофеев “Бэйбэрикээн-2” уус-уран киинэтин көрдөрүөхтэрэ.

Дьокуускай куорат оҕолоро аптаах остуоруйаҕа олоҕурбут мүччүргэннээх сырыылар туһунан киинэни улахан экраҥҥа көрүөхтэрэ. Алтаана Куо уонна Хаардьыт Бэргэн араас моһоллору ааһан, дьоллорун булбуттарын туһунан остуоруйаны режиссер өссө 2019 сыллаахха устан түмүктээбитэ. Ол эрээри, коронавирус хааччаҕа мэһэйдээн, премьерата үс сыл ааспытын эрэ кэнниттэн буолбута.

Куорат олохтоохторо сэтинньи 3 күнүттэн сарсыарда 10.30 чаастан уонна киэһээ 17.00 чаастан “Республика” киинэ саалатыгар кэлэн көрүөхтэрин сөп.